今日係羅狗離開香港的日子, 一路都未決定到會唔會去送機, 因為我唔知可唔可以準時走。
結果到左晏晝, 同肥仔飲茶時決定去啦, 盡趕啦, 八點應該可以的。
到左五點九, 一個電話, 大老細話俾左0野老板, 開始發顛, 搵呢搵路, 我同條茂利都變哂樣, 因為我同佢都趕住走, 快快脆脆攪掂左老細, 等佢靜左, 就冒住性命危險同佢講走人, 好左佢無問, 無叫我留低, 一支箭咁即閃, 但係已經係六點零五分。拿拿林跑落巴士站, 仲要無車, 又涷, 越等越慌, 好怕趕唔切。但當付出四十蚊車資之後, 發覺, 係可以架, 因為上車之後有指示話, 三十分鐘會到機場, 即時放下心頭大石, 即係我七點半前就可以到達。
到達後, 又跑, 跑去搵佢地, 整埋本相簿, 多謝unique用左不足廿四小時整出黎的相簿。同羅狗影左0的相, 跟住我地又繼續整下本相簿同埋等埋astley啦。之後就將禮物送俾羅狗, 寒暄幾句, 影下相, 就入閘啦。
入閘時, 見到eric同佢阿姨好唔捨得咁, 而羅狗就不斷叫人買"眼", 好攪笑, 我們沒有臨別依依, 或者開頭會不習慣, 但係, 我想我們還會時常見面的, 如果時間0岩, 而又有"眼"的話, 哈!
沒有留言:
發佈留言