好耐無返過黎呢個地方, 係到生活左五年, 第二次到呢個廟一遊, 以前讀書日日行過, 唔覺得係乜, 家下唔同哂lu, 學校有新翼, 連大雄寶殿都有新翼, 仲成座紅館, 潮爆。上到去, 其實還是一座地盤, 但寶殿已經開放, 只是擺了未上金身, 應未開光的大佛, 上到去真係嘩一聲, 環境清憂, 一望無際, 屯門元朗天水圍景緻盡收眼底, 輕輕涼風, 令到你心境平靜, 心廣神怡。
到過大佛後, 去錦田豆埋我今日應有的利是, 阿公及舅婆公的利是。入到老中院, 我去左玩魚, 個個豆哂差0的溜左我。
四點半, 係四點半食飯, 為左就阿媽返工, 唔想阿公咁夜, 同埋入醫院探阿婆的關係, 四點半食晚飯。盆菜一個, 點半先食完中午飯, 四點半食盆菜, 驚人, 但個肚好似無感覺咁, 乜都食得落。
食過盆菜後, 入醫院探阿婆, 精神不錯, 叫有反應, 肯食0野, 但血糖還高, 今日打左姨島素。去埋醫院, 本來應該過去粵父到"0牛"的, 但哥哥溫書唔去, 咁我一條去都係悶, 所以選擇左返歸"0牛"。 真係悶到發荒, 個個台都播行運超人, 痴線。
十點幾, 肚餓去煮左個麵食, 又再"0牛"。都唔明新春放假點解要咁悶呢???
咁又過左一日啦, 或者真係要諗諗我係咪應該出年要避一避年呢, 去遊一遊呢?
新年新開始, 自己就越來越懶, 好想所有0野都係人地幫我諗好, 等按住做就可以。呢0的0野, 包括每個星期活動按排, 唔使再去提議去邊到。屋企大小事務, 唔好再搵我。去旅行, 唔好要我做research。安排活動, 食飯地點, 揀完又俾人點面, 點解我唔可以點番人面呢。咁0既生活係咪死板左0的呢, 但我好想得閒可以咁, 有時真係唔想諗0野。但我會否做到呢, 辛苦命, 無可能, 我實忍唔到唔去做, 唉~~~
出年夠境去邊到旅行呢?? 沙巴, 日本大板或北海道, 美國, 九寨溝, 返鄉下, 又要諗~~~
悶到發荒時, 搵0的0野諗下都好0既。
@大雄寶殿內的佛像
@潮爆的大雄寶殿
@以前每日無輪打風落雨都要行返學的路
@爆炸頭魚
@無食到肚痛的盆菜 (龍華大酒樓的盆菜)
沒有留言:
發佈留言