我等左呢個機會好耐啦, 好耐無去啦, 對上一次去係2001年。
前0個咁多日, 都係雨天, 晨早起身, 見到猛烈陽光, 興奮莫名, 太陽伯伯終放完假出山啦。
但太陽伯伯實在抖得太耐啦, 佢發揮得好好, 好鬼曬呀~~~
我地十一點去到, 先來影張大合照, 呢個係替定動作, 無計, 點都要留念下。
跟住入到去, 就開始搵有冷氣的地方, 結果去左熊貓館搵安安同佳佳, 佢兩個仍然都係咁污糟, 可能我地早呀, 所以今次見到安安表演食竹葉, 仲要坐到正一正對住人群, 確實好得意。
之後就撘纜車去大樹灣那邊啦, 雖然佢係咁話好多人撘, 但其實係呃人0既, 都無乜人。架纜車同以前一樣無改進過, 但仍然覺得好正, 係咁影相, 攪到側埋一邊, 好恐怖。
到?後, 就去左水母館, 好黑好細的一個館, 好多鏡, 差d撞死。之後去左恐龍館, 條暴龍唔同左呀, 無左件難衫響佢個口到, 可能件衫咁多年實在太污糟啦。家下d細路確實無乜童真啦, 連見到會動的恐龍都無反應, 唔驚的, 仲同佢bye bye, 唔好玩的。
之後就去食0野lu, 威爺醒, 搵左個有蓋的位置, 因為在我地食的其間, 落下大雨, 係傾盤那隻, 我個背脊濕哂。
雨過後, 仍然係猛烈的太陽, 仲比之前熱。跟手去埋海洋館, 好鐘意呢個館架..好靚, d魚魚好得意的, 條龍躉無見幾年成隻軍艦咁啦家下。跟住我地就去左鯊魚館, 見到條哨牙的鯊魚, 好攪笑, 個館同以前一樣無乜0野, d鯊魚養熟哂, 懶到死。
玩完呢個館, 諗住去海洋劇場啦, 點知未夠鐘開波, 就full左啦, 插針都插唔入, 所以決定放棄, 再去埋海濤館睇海豹, 海獅, 剩番好少條咋, 但仲好得意。我地搵唔番想當年那張相的影相位呀..失望。
我地今次好勁, 一d機動遊戲都無玩過, 四點半就走啦, 因為實在太熱啦, 頂唔緊lu。
本來係諗住同unique慶埋生日的, 但佢話要返歸沖涼, 咁算啦, 我地都係返歸吧啦。
呢張相係咪好口面呢, 想當年係同iris去架, 但家下變左doris, 但好得意, 排位同舊那張差唔多的
沒有留言:
發佈留言