執屋

由於買左數件大傢俬, 而又將於明天送買貨的關係, 是晚活動將會為大掃除一翻。

首要清理電視櫃的所有雜物, 因為清左明早就要拆櫃等候搬走。望下d相簿, 原來對上一次全家返鄉下係02年啦, 而另一次全家再去旅行, 都已經係03啦, 原來咁多年無一齊去玩啦喎。等阿媽今次放大假, 睇下可唔可以就到去玩下先。

執CD, 發覺想當年真係買左好多好多CD的, 連許秋兒,湯寶如都有架, 我諗呢D都怕且絕版啦, 仲有好齊色齊款的張學友CD, 四大天王都有齊, 好多新晉歌手想當年的第一張碟都有, 咩容祖兒, 謝庭峰, 許美靜, 陳奕迅, 陳慧琳, 梁詠琪, 鄭伊健, 好多八九十年代的碟都有, 但到左後期, 就開始無買過碟啦。連VCD都係, 原來我有好多VCD架, 由於裝左有線的關係, 好多睇到爛咁滯, 有d仲要未開封的, 結果俾我掉左lu, 算啦, 有線成日播, 我又唔會拎返出黎睇, 掉左算啦。

而d裝飾品, 有d都諗唔起點解會擁有的, 而今次又狠狠地將一套想當年的麥記史路地公仔掉左, 因為d史路地發左黃啦, 家上呢套係食唔齊的, 所以最後我都係幫佢影抵左張遺照, 就掉左啦。

經過一番努力, 叫做執左好多lu, 哈哈, 但其實好多垃圾都唔捨得掉的。