Office有二五仔呀~~~

呢幾日, 老細一返黎就開左佢間房的窗簾, 我老細會開窗簾的原因通常只有一個, 就係收到風d咩少一年一度全公司周圍行, 佢就會開。但係今次我地無收過任何風, 其他部門又無收過風, 佢又無叫我地執0野喎, 唔知點解會開。

但就在上個星期六, 呢個疑惑就解開左啦。原因係"黑啤梨"虧左, 佢自己爆左話好在咩少今日飛0者, 咁瑪姬就口問佢, 咦咁點解你開左個簾呀, 老闆就答佢, 睇實你地呀0麻, 跟住支吾以對一輪後就開始自言自語啦, 係到話我放假, 你地就攤哂個早餐係到食成個鐘, 又食tea, 又上網又響到睇報紙吞pop。我地咁係答無啦, 佢就話, 我有好多線眼係到架, 你唔好呃我。

咁我地就知左點解, 條友開哂簾啦。攪到我地一個二個無自由, 又多左幾條衰屍響到行, 因為無tea食, 晏晝又差, 攪到佢地好肚餓, 周圍行搵0野食。夠竟條線眼係邊個呢, 我地心中有數, 因為各種因素顯易而見。經過左promotion呢個時期後, 各人的變化很大, 等了十多年才可由水鬼變為?凰, 仲唔做出任何賤格的事情去保住自己咩。

開頭我都唔太相信, 但經過佢地的試探, 條pk的行為就出哂黎啦, 好顯眼。算吧啦, 眼下我老闆忍得幾多日0羅, 我地無自由之時, 佢都無自由, 個個好奇, 一出一入都望下佢做乜, 我地又望到佢, 佢又望到我地, 我地有0野做, 佢有鬼0野做呀響間房到, 咪聽下收音機, 上網, 剪下指甲, 佢有鬼0野做咩, 佢仲唔自在啦, 無得訓覺, 哈哈。

除左二五仔, 仲有兩條仆街經理仔, 真係要引述下離左職的中層同事形容下呢到的management語句, 或者有點兒粗俗, 但確實如此。

"一間公司有一個仆街, 唔多奇怪, 仆街都唔咁要, 但都會做0野。但呢到, 竟然有孖寶, 有仆街孖寶都唔咁要, 連個老細都係咁仆街, 唔做0野, 點頂。"

由於我地呢d只係低級職員的關係, d高層仆唔仆街, 對我無乜影響, 佢叫我做乜就做乜, 都係簡簡單單無難度的, 坐在佢地的外邊, 呢兩年時間?邊, 應該可以幫佢地出本仆街語錄, 因為每一次佢地做仆街的行為時, 都一定會有那幾句說話 (間稱key words) , 表情, 無d新意, 節錄以下幾句"

",?, 唔關我事啦, 我同你講左架啦"
"?, 我唔反對, 你自己決定啦"
"你係team leader, 你自己決定啦, 再唔係自己同老闆講"
"?, 我同你講左好多次啦, 你唔聽咋0麻"
"有事唔好搵我, 搵番你的team leader啦"

仲有好多, 好多不同的仆街語錄, 確實不能盡錄。