試伴娘衫

今日約左鄭小姐, 大少去試伴娘衫, 其實我約左好耐架啦, 唔係我唔舒服, 就係佢地唔得閒, 今日終於成事。

好開心, 試衫好好玩的, 點玩都得, 因為佢地俾左錢租衫架啦, 所以我地點玩都得。第一次在一個陌生男子面前, 著左件low cut出黎, 好驚呀, 講笑0者, 大少唔會愛上我的。我試左, 黃色, 綠色, 同粉紅色。而d款唔係low cut, 咪吊帶0羅, 結果我發覺, 我係唔可以著那些釘左好多珠珠係到呀, 好浮誇呀那些款色, 真係好肉酸的。而粉紅色, 又勁娘, 咦~~~

最終我揀左一件全場一粒珠珠都無的款色, 我覺得ok架, 簡簡單單一件米黃色low cut雪芳長裙, 整件衫都只係一個蝴蝶結的。其實想試埋綠色的, 佢件綠色都幾靚, 但無期。試左件粉紅色, 但係著到成件睡衣咁。但係我總覺得,

我決定左後, 親佢無客, 新娘就順便揀埋衫, 佢仲有一件未揀, 跟住揀埋d配飾。好多件衫呀, 好多飾物呀, 好多0野要記呀, 所以我地影哂相黎做記錄, 到fitting那日, 再影左次先。

跟住就同佢地去左揀花球, 新娘子係一個好無所謂的人, 佢揀極都揀唔到, 問極都係無所謂, 結果, 我同大少一人揀左一個, 再問舖頭人的專業試見。最終揀左一個黃色馬蹄蘭的花球, 而主婚人就揀左d紅色大花俾老人家, 兄弟姐妹團就揀左細的秀球花, 女係暗紅色, 男係淺綠色。

整個過程真係好開心, 我同鄭小姐係咁係到玩, 我著住條low cut不停咁係到跳, 測試下會唔會甩呀0麻, 0個個sales同我講話, 改到你跳都唔甩下, 我話我真係周圍跳架喎, 係唔好甩至好喎, 哈哈。 而我又諗咁好唔好自己買一條裙仔, 朝早著呢, 因為那條太長啦, 我怕朝早幫佢做0野唔太方便呀。

我家下發覺我好享受幫人地攪婚禮的過程, 原來真係好開心的, 好似覺得自己結婚咁。我當係架啦, 因為我都唔知自己有冇呢個機會, 或者係我唔會攪咁多0野, 所以我會好好咁enjoy呢一次呢個經歷。