星期日

由上一個星期, 已經決定左星期四去探姑姐, 表哥, 表姐佢地, 媽咪話要買玩具俾兩個小朋友。

好開心去揀玩具, 因為盈盈已經三歲, 九月將會入學, 本來想買顏色筆俾佢畫公仔, 但係諗諗下, 小朋友實畫牆架喎, 而佢又搬左新屋, 唔係咁好, 結果俾我搵到想當年我都有一塊的"神奇畫板", 我諗個個小朋友的階段總有玩過。家下已經有彩色架啦, 總有好多款添, 唔係好似我地以前咁, 只有藍色一塊0野咁, 而價錢, 由三十幾蚊到成舊水都有。

而仲有細的寶寶, 因為只係得一歲, 所以買左一個按制會響的玩具俾佢, 係雙面的, 一邊係電話, 一邊係d動物叫聲, 好得意的。

我發覺買玩具最開心的係我, 原來家下d小朋友玩具真係多花款到暈, 勁好多, 我係咁試, 係咁玩, 攪到我唔係好捨得走, 哈哈。