探親日

今日係蛇蛇日, 好好利用這一天的假期。由於洗衣機壞左的關係, 等人地黎整, 所以我可以十一點先起身, 好開心在平日訓足十個鐘。

等人整完機後, 就準備行裝走人, 先落碼頭嘆過茶先, 我最愛的二宜樓, 其實在灣仔都飲開呢間野, 佢開到入屯門, 當然繼續啦, 佢的流沙飽真係好好食, 雖然佢細細間, 但都唔會坐得好迫, 最好係全面禁煙, 又唔係話好嘈, 最重要係, 價錢ok, 今日同爸爸媽媽三個人午市都係食左百二蚊到, 最咁要好食。

之後就起程去探親啦, 佢地家下全部人搬哂去大坑東?, 其實即係南山?隔離, 四間屋, 四伙人事。其實佢地好好彩, 住左五年, 就遇著舊樓重建可以上樓, 而佢地只不過係租客, 都有得上樓, 仲要四兄弟姐妹, 一人一間屋, 算唔錯啦。先講表哥同表姐, 佢地兩個結左婚有小朋友, 可以獲分到一個公屋的細單位, 雖然係比較舊, 但係好通爽, 都ok啦, 三個人住, 起碼有獨立洗手間及廚房, 佢地兩個分配到在同一座, 唔同樓層, 買0野好方便, 因為樓中間有條橋係可以去到商場的, 仲有大閘同"食蕉"看守, 算係幾安全咁啦, 起碼叫到隔左d閒雜人等架啦。而呢條橋又可以行到過去二表哥同表姐到, 落雨都曬都唔怕。而二表哥同表姐就分配同比較新的一人單位, 其實成棟樓多是阿婆阿伯居住的, 因為好多設備都係for老人家的, 但上到去的環境都唔錯的, 二表哥間屋係一望無際的九龍塘又一?景色, 呢一細都應該唔會有0野阻住, 而細表姐間屋都係, 望住京士柏球場的, 最遠望到去新世紀, 好好view。

結果我就在呢四間屋到玩左半日, 同個bb玩, 佢成日都唔笑, 咁望住你, 你抱佢又唔會喊, 好攪野的。

之後又同左佢地去左公園玩, 好好玩, 哈哈。再同佢地食埋晚飯就返歸啦, 訓落床時發覺自己好似散哂咁, 好倦。