何必遍遍玩到我

瑪姬每次嬲老闆, 老闆每次?佢, 自己唔記得做事, 做錯事時, 總會玩到我。
因為每次瑪姬俾佢?完, 實由老闆房出黎發脾四, 唔係發我地脾四, 係發老闆脾四, 粗口橫飛, 呢個都唔咁要, 下下都話嬲得滯唔返工, 一係就嬲返三五七日, 日日係咁鬧, 係咁怨, 有時真係好煩, 真係寧願佢唔返, 我一個人返, 老闆實唔會煩我。因為你越係咁care, 老闆咪又繼續煩, 整日咦咦哦哦, 而我, 實係本pair, 是但膚衍左佢咪算0羅, 佢無癮就唔會煩你架啦。

所以每次瑪姬咁樣發脾四, 我同文叔係採取同一個態度, 唔出聲, 坐係到對住個monitor, 係咁做0野又好, 玩msn又好, 係唔採瑪姬, 唔好撘赸, 咁佢自己係咪講講講, 因為答佢, 實有排煩。

今日勁唔開心, 今朝仲忍唔住發左少少老脾添。點解??
因為尋晚發左個夢, 夢?邊有個人對我說了一句我好想聽到的問題, 等左好多年, 竟然係在夢中聽到, 今朝真係唔想醒, 想一路發呢個夢落去, 或者我應該在夢中先可以感覺到呢種喜悅。夢醒後, 覺得好失落, 再加上呢幾日只得簡單溝通, 確實唔想講0野, 唔想再去諗。