書展

玩樂過後, 勁度疲倦咁返工, 經過四個鐘頭的煎熬, 終於放工, 放到後, 落左銅鑼灣行左陣, 就返番金鐘食tea buffet。

今次去左港島香格里拉大酒店的cafe too食, 有點心, 有熱盆, 即淥麵麵攤檔, 同埋點品攤檔, 種類唔算多, 但尚算好吃, 但係美中不足係d貼品唔0岩口味, 不太好, 但那個檸茶, 在酒店中都叫好味架啦, 有茶味, 因為次次食buffet的涷檸茶都係淡而無味的。由於有免費coupon的關係, 拍拍籮柚就可以走啦。

吃飽撘番巴士過會展去書展, 一個聰明的做法, 因為由鷹君這邊過, 無由地鐵站過黎的咁多人架, 雖然係同一個路口落, 但係無咁迫的。入到去都六點半啦, 一埋手就係簡體字書, 結果買左兩本, 又平又抵玩。

一路行行人, 人多, 但算係咁啦, 呢到望下0個度望下就行完一個館啦, 行到倦倦地, 仲坐埋窗邊睇埋個幻彩泳香江黎休息下, 睇完再行埋剩番的那兩個館。又係左望望, 又望望咁又行完, 原來都行左三個鐘架啦, 九點幾又閃人, 撘番船過海仲可以撘到?巴返歸, 舒適又快趣, 仲訓得好lum添。

返到屋企睇新聞先知, 我走的時候又係高峰期的開始, 免費人龍隨隨人場, 好在走得著時, 其實唔明點解我年年都會去書展, 又唔係讀書人, 我買的書都唔係平好多, 但總係要去下先安樂咁, 今年我又打算去埋八月的食品展啦。