由何福堂到藍地大街

平時, 由何福堂到藍地大街, 只不過需要經過六個輕鐵站, 大約二十分鐘的車程, 但今日勞動節, 我卻用了三個半小時去完成這個旅程。

大廚顯技那天, 已決定了今天行山, 早上八時在何福堂集合, 隊員有迪迪, ling ling, 舅父, 舅母及我。由於要為各人買麵包作為早餐, 加埋等車, 我遲了半小時才到達, 嘻嘻。其實一路上我都係到諗咁, 死啦, 完來我屋企係無車去到何福堂架, 我諗左好耐, 夠竟好唔好撘的士呢, 但基於今日係勞動節, 要勞動下架0麻, 就撘506去到新墟落車再行過去啦。

八點半, 出發, 由何福堂中學側邊的行山徑出發, 今日天氣很好, 還很熱, 一路上都是平地來的, 還是麥理浩徑來的, 去到後期, 就開始出現梯級, 那還未算什麼, 只會覺得有點倦同很熱。沿路其實有很多樹蔭, 與太陽接觸的機會不多。一路上, 經過的行山人士都會與其他人不相識的人講早晨的。 途中遇到有一個伯伯, 他很主動跟我們說早晨, 看他的年紀, 無八十都有八十五啦, 精神還很好, 笑容還很親切, 對於我這些每天走在灣仔這個商業城市生活的人, 確實有一份無名的感動, 覺得人間有情。

行左一個小時後, 到達山腰咁上下, 沿路上來的都是梯級, 令到心臟跳得很快, 需要抖一抖, 但其實我們只不過由山腳行到上山腰, 地點是沒有變的, 望番落去都係何福堂。今次我地見到有三隻很可愛的小狗, 牠們路著主人行山, 佢地會自己一路行, 唔使主人帶住的, 我地撩佢地, 都不理會我們, 只顧自己行, 但有一隻小狗很可愛的, 他的雙眼好像會笑一樣, 得意到暈呀。

由於我們的目的地係藍地, 所以我地需要行一段山路的, 我地要沿住山腰行, 山路沿途都是石頭及碎石, 由於我那對不是行山鞋, 所以要份外小心。但當然, 我這個輪盡鬼, 咁係有"扇"過啦, 仲試左兩次添, 嚇死我舅母, 哈哈, 所以成段旅程最辛苦都係呢段, 正所謂上山容易落山難呀, 碎石, 仲要落山, 個人要就住就住咁行, 結果行行下, 真係腳軟啦, 倦極。直至行到返去虎地燒烤場, 地面才開始回復為平地, 沿路都沒有多困難的路, 只是腳很軟, 很倦。最終我們返到季季紅飲茶時, 已經十一時半了, 足足三個小時的旅程就這樣完結了。

在季季紅午膳後, 就返屋企沖涼訓覺啦, 但我又點會咁浪費這個晏晝呢, 在三點幾這個時間, 我選擇左, 開住冷氣, 聽住梁靚茹, 打住機咁去消磨左一個小時, 再在窗邊剛開始透入暖暖陽光之時, 再來一個午睡, 在這個和暖太陽的照耀下, 這一覺睡得特別甜。