不敗記錄

整天持續的大雨, 令到我每天返工都好似走難咁, 朝朝中環都塞車, 都唔明點解會塞車的, 日日起碼都要塞十至十五分鐘, 訓幾覺都未落得車, 攪到我經常要九秒九咁行返去。

而今日, 九點先落車, 已經知道實遲到, 一路行, 一路盤算咁夠竟拉唔拉咭好呢?
返到上樓, 個咭鐘09:11, 我好有勇氣咁拉左落去, 本來諗住保持三年, "0"遲到記錄的, 之所以唔想再用錦囊, 因為家下先五月, 黎咁雨季仲多機會使用, 留番係d遲得再遲時用, 就係咁, 今日就破左我的不敗記錄啦, 仲有十日到咋0麻, 點解, 點解中環成日都塞車架。