天后誕

今日係農曆三月廿二日, 明天就係天后誕, 今晚跟左舅母去左西貢布袋澳的大廟拜神。

點解無啦啦會去拜神, 其實都係未去過去見識下, 加上ling ling媽又在那樹開檀, 所以米去襯下熱鬧0羅。

放工後, join埋舅母, 去左深水埗等埋舅父, 肥仔同埋哥哥響深水埗食晚餐, 是晚餐廳為容記小炒, 野食一般啦, 但好多人, 好鬼嘈, 但d野食上得超快, 要極速咁去食, 最好食就係那碗粥啦, 佢唔係白粥來的, 而係菜乾蠔豉粥來的, 唔錯。

食完飯, 八點幾, 開始驅車入去大廟lu, 去到西貢好快, 反而入去布袋澳好耐, 係0個條路, 真係好有頭文字d的感覺, 好多彎, 最好笑係行行下, 見到有個學生妹係路邊行過, 但係四周係無人, 無建築物的, 好鬼恐怖, 要當自己時運高, 乜都睇唔到, 好在過多少少, 轉埋個彎, 見到有d村屋係到, 咁先無咁驚。

因為多人入去大廟, 有road block, 我地要講話入去食海鮮先可以駕車入到去, 之但係全車五個人, 都無人明白個警察講乜, 咩轉出去直行兜番黎泊車要泊呢到, 但明明轉左彎入左直路就唔會駛番出黎架啦, 傻的。

泊好車都要行一段路落去大廟的, 那段路, 雖然有射燈照明, 但係都幾恐怖的, 因為成地都係溪錢來的, 原來的善信入去會一路散溪錢的, 好在人多, d氣氛先無咁恐怖。

入到去, 打電話俾迪迪, 見到佢在個檀到好忙咁幫手打"cha cha", 打個招呼後, 舅父, 舅母就立即去shopping, 去大廟shopping我都係第一次lor, 其實係那附近勁多那些魚仔乾呀, 蝦乾呀, 咸魚呀0個d野, 佢地勁喜歡食呢d的, 而那樹又平又靚又新鮮, 所以係咁買, 佢兩條友買左好多野出黎, 買野都買左成個鐘呀。原來d善信個個入到黎都係咁買的, 個個都買到大袋二袋走的。

之後見到有一船人到, 好多人, 拿拿聲叫拉舅父走, 拜左神先, 唔係等陣好多人。而ling ling又帶我地行側門入去, 避過人潮。入到去大廟, 佢媽媽有個檀係到, 我地就放低d野先, 跟住過去拜天后娘娘啦, 香火確實鼎盛, 跟住過番去ling媽那樹, 因為0個度係欄開左的, 而我地又在裏邊拜神, 攪到好多人望住我地, 好奇怪咁, 點解入到去, 0係拜咁神的時候, 迪迪在外邊打咁cha cha, ling ling同我講, 你聽下你表弟唔識打, 是但係到打咁, 因為ling ling入左黎, 條友仔唔識打, 所以只係一拍一拍咁係到打, 念經的人都無理佢, 照念, 好在善信唔識聽, 唔係真係失禮哂啦。

拜過神後, 又去買過野啦, 因為舅父仲未買到心水雞呀, d雞雞掛飾幾靚架, 不過屋企無位掛, 無買到, 而哥哥就買左d車的掛飾。

十一點, 走人啦, 行番出去的那條路, 好似行山咁, 很多樓梯, 又斜, 行到扯哂蝦, 之但係呢條路比入去時更恐怖, 因為有善信要散溪錢, 讓路俾我地行先, 咁我同肥仔一齊行, 行到差唔多返到出的某一個斜路彎位, 前邊無人, 燈光係白白地咁, 突然間有一陣風吹起哂d溪錢, 好似拍咁鬼片架, 好恐怖的, 好在後邊都好多人, 所以先無咁驚咋。

返到屋企十二點幾lu, 好倦好眼訓。