世事多變

今日返工, 對柏布無乜希望, 只求沒有帶來橫風橫雨的不方便。整個朝早, 我們的高級科學主任kei哥說了一句話 ：「你原諒佢啦, 佢都好努力架啦, 你睇佢轉成三百六十度返轉頭, 不過弱雞, 無計啦。」結果, 中午開飯時, 新聞竟然重覆強調, 有機會發八號風球兩次, 機會甚大, 各人異常興奮, 立即約腳打牌。而我立即開啟收音機, 等待著那一刻的來臨。天文台那時開始, 說明三點半前會掛風球, 立即通知各同事們準備, 我連晏覺都沒有去睡, 因為實在太興奮了。

結果竟然在二時半, 就已經掛八號了, 立即閃人, 村巴不停埋站, 很快便回到屯門了, 但等506轉車返屋企仲耐過行返屋企, 灰。返到屋企, 肥仔要當風更, 無人陪我玩, 電視又俾人霸住左, 結果, 獨自在房中打太鼓, 得來的結果是, normal又俾我打爆左。

未來的兩個月裏, 存在變數的很多, 可能會影響下半生的生活, 亦可能會繼續我的吃喝玩樂, 我想變數之大, 與柏布無不相及。