晨早起來, 不比返工遲, 七點半就起身啦, 八點半要出門, 去圓玄學院拜七月節。九點幾上到去, 拿拿林開始整野, 好在早上到去咋, 後尾唔俾車上啦。十點幾攪掂哂, 就落返青衣城食早餐, 拿拿林食左個早餐, 跟住就即刻返屋企換衫, 因為我諗住跟阿哥車出又一城行街, 所以我都要拿拿林。有人後尾先知, 佢自己要一點鐘出到去浸會, 返到屋企都差唔多十二點, 痴線, 跟住dum恒哂架車係咁飛出去。
哥哥要一點出到去, 而四大長老會坐另外一架車出去參加畢業禮, 而我係又一城行街到三點半先去join番佢地。好耐無去過又一城啦, 沒有大變, 舖頭都無乜點變, 係間espirit變左做uniqulo, 都係咁無野食的一個商場。我在反斗城買左兩個波諗住用黎"乙水"小朋友。
三點半, 諗住行番去啦, 點知落大雨, 咪撘小巴lor, 短短路程要五蚊, 佢又俾到你一個抵的感覺喎, 因為兜左一大個圈先到。結果, 四點幾五點先齊人影相, 浸大真係無乜野影, 草, 樹都無條, 井字型樓的校舍就有一個, 又唔夠時間行去新翼, 算吧啦, 好熱, 休息下, 等食晚飯。
是晚晚飯, 畔溪酒家, 一行大大小小十六人, 叫左個套餐, 各樣東西都很好食, 除左個炸物, 仲碟碟都大到死, 雖然我加大左個餐0者, 都唔使咁大碟呀, 好誇, 結果食到抬住個肚走人。
下次要有咁大型的影相活動, 都應該要等到出年迪迪畢業啦, 再下次會唔會係我嫁得出呢。
+呢束花本來無乜特別的, 但係當我加左兩個波波落去後, 俾陌生人要求影束花呀, 靚哂。
+哥哥的春天花花幼稚園畢業袍再加上兩條白痴仔
沒有留言:
發佈留言