年初四開工大吉 - 行運一條龍

興奮過度, 五點半起左身。實情係熱醒左, 好難得再訓番, 又到六點半。

我講過今年唔咁早返工的, 因為我要拎禮品。每年公司初四都會在大堂派禮品, 我舊年因為太早miss左。今年我拎到啦, 準時八點九返到去拎到個鼓吊飾, 舊年拎左辣椒, 總知拎埋銅錢啦。

開工, 等候時機出動, 其實係唔使出動0既, 同事食過早餐後, 總會自投羅網, 自己拎住利是走全場。在混亂當中, 逗哂全場的利是。基本上係不用主動出?的。有0的同事好攪笑, 一個上午, 十一時前, 沽清, 唔夠派, 要唱錢。兩個鐘去左四十幾封利是, 速度驚人。

玩樂過後, 等食開年飯。席間老闆開口屈michael叔請飲0野, 簡直難得機會, 又適隨大家異常地眼訓, starbucks也。一杯iced moncha, 救不了我。準時放工, 一上車就熟睡, 咖啡係無用架。

今日收獲豐富, 共二十一封利是。希望今年再破二千大關吧。