Tempo + 勁悶VCD

唔明點解, Tempo會出?莉花香味紙巾, 陣味太勁啦, 攪到我d袋呀, 櫃筒呀都係?莉花味。

放工返黎, 睇左隻勁悶的VCD, 咩VCD??? 係我大陸的堂大佬結婚的VCD。原來家下大陸都與拍MOVIE的。
但呢隻VCD, 一開始就係一班麻甩佬響到佈置花車, 結婚車在大陸, 佈置一向都好浮誇的, 幸好, 今次所見, 唔太誇, 但好無聊, 點解要將架花車, 貼咁多絲帶響到呢???? 點解隻VCD咁悶, 原因係, 頭0個十五分鐘, 都係拍咁班麻甩佬, 佈置花車, 貼"囍"揮春, 食煙, 睹錢, 嘩, 飛片都飛左幾十秒先飛完。開頭都唔明點解要佈置咁耐, 原來係有十幾架唔同的車的, 係十幾架呀, 一條車龍, 由村頭排到村尾, 嘩, 痴線, 使唔使咁誇呀~~~

跟住就到"迎親", 即係接新娘呢PART啦, 嘩, 仲悶, 未接新娘, 拍埋0的定鏡影咁相的情境, 一到左接新娘地方, 唔知點樣就可以接到個新娘, 跟住兩條友就坐在響到, 0的兄弟係咁玩噴彩條,噴到兩個姐妹成棵聖誕樹咁。成個過程, 我都係一句都聽唔明, 因為全部都係鄉下話, 乜都唔識聽, 以為自己睇咁法文片咁。

跟住就返男家, 最攪笑係, 原來真係會搬嫁妝架, 搵左架密斗車去搬番男家, 勁誇。返男家的過程就係, 有段片不停咁影住條車龍在不同的路面行咁, 無錯係不同的路行, 我見到起碼十個唔同的場境, 我已經係飛片黎睇, 唔明點解要有段咁0既片。攪到鄉下男家, 就係交換金飾的儀式啦, 鄉下慣例喎, 阿嬸會著住條圍裙架喎, 好攪笑。呢段片又勁耐, 場面極度混亂。

跟住就係擺酒, 在村?邊擺, 即席有人煮, 三十幾圍喎, 每圍百五蚊, 咁係啦, 一張四人?仔就一圍, 咁係三十幾圍啦。但我諗都幾攪笑, 因為在中午擺酒, 聽聞三點開始的, 成個過程又係咁影住0的人食, 係無影過對新人的, 又係好攪笑, 重覆又重覆咁影完呢圍影0個圍。不過我諗咁飲幾過癮的, 有機會真係要返去飲一次先。