情人節

今日係情人節, 晨早九點, 已經收到由一位好心男同事, 送給我們的一小束假花, 係一束橙色的玫瑰花, 據稱呢束0野係夜光來的, 但係唔記得左試。

半個上午, 都係談論咁今日點呀, 去邊呀, 食乜呀, 送乜呀。同埋好多0野做, 好快就到左晏晝。晏晝飯時, 有一位同事行出黎瘀我地, 乜咁渣架你地, 一束花都無, 仲諗住行出黎都有一束半束呀。我地即刻話, 我地有五束假架, 你睇唔到咩, 仲要唔同顏色架。

到晏晝訓醒覺, 肚仔好痛, 死左入廁所, 點知出黎, 嘩嘩嘩~~~~呆左, 有一束包得好浮誇的花放左響我張椅到....
本能反應下問, 邊個架, 瑪姬話, 你架~~~~, 我話唔係呀, 真架???? 跟住我仍然好呆, 好似發咁夢咁, 仲好疑惑, 唔知發生乜事。我0的同事話, 係你架, 剛剛送來的。

嘩嘩嘩~~~真係~~~~跟住好攪笑地, 我老闆係咁幫我搵下有冇咭, 係咁問我邊個送的, 係咪有人傾慕你呀, 勁攪0野呀佢。跟住同事話我知電話響過, 打番俾肥仔, 但佢又唔得閒聽, 攪到我仍然好疑惑, 夠竟邊個送, 呢個SUPRISE實在太大啦, 攪到我不知所措。好耐先可以平伏番心情, 身邊不斷有人行過黎望下, 因為全個部門得我一個女性收到花, 為EDP增光。(我部門得十個女仔, 大部份已經結婚及無男朋友) 其實成朝都有人問, 無花收呀, 我都係答咁無呀, 仲諗住拎好心男同事送俾我那束, 去威下, 話俾肥仔知, 我都有男仔送花俾我架。點知~~~羸哂啦, 肥仔羸哂, 今次我認輸, 哈哈!!!

到放工, 我仍然都好似動物咁, 俾人參觀咁, 尾倉同事放工行出黎, 又望下, 好攪笑。所以我都係拿拿林走人。拎起束花, 完全係遮左我的視線, 可以睇唔到我個樣, 個PACKING實在太浮誇啦。仲要迫巴士返入去, 好在無乜雨咋, 好辛苦咁入到去, 食左好美味的泰國菜, 收埋禮物, 開心哂, 仲係沉醉於我的SURPRISE內, 哈哈。好鐘意SUPRISE 呀, 好在我都攪左0的SURPRISE, 無失禮, 嘻嘻~~~

本來我都係無花收的, 但佢驚我部門個個有花收, 我無會唔開心, 整束俾我, 所以肥仔今年不用列入CHEAP佬的行列啦, 哈哈。希望下年, 有其他SURPRISE啦, 唔好再送花啦, 玩一年夠啦, 年年唔WORK架, 哈哈~~~