無題

今日睇蛇果日報, 頭條寫著「女人討厭男人無主見」, 好鬼有同感, 呢個世界0的男人係咪都係咁0既呢？
你同佢講, 佢就會答你：「你鐘意呀0麻」, 「你想去咪去0羅」, 「買0羅, 無所謂」, 諗心一層, 其實佢地係無主見, 是但啦, 唔好要我諗, 唔好煩我, 你想點就點啦。

第一年拍拖的女人會覺得：真係好啦, 咁就我, 我話乜你都會做, 開心死。
拍拖第二年的女人會覺得：過左一年都係咁, 真係好啦, 都係咁就我, 開心死。
拍拖第三年的女人會覺得：過左兩年都係咁, 真係好啦, 我咁煩你都仲就我,開心死。
拍拖第四年的女人會覺得：過左三年都係咁, 真係好啦, 我咁Q煩你都仲忍到, 好0野, 開心死。
拍拖第五年的女人會覺得：過左四年都係咁, 真係好0野, 仲忍到, 勁, 開心死。
拍拖第六年的女人會覺得：過左五年都係咁, 真係好0野, 你真係仲忍到, 我悶死啦, 你再係咁, 我無貨諗0野啦, 之但係仲係好開心, 有個咁就得佢的男朋友。
拍拖第七年的女人會覺得：過左六年都係咁, 點呀, 我真係無貨左諗0野啦, 咩橋都用哂, 俾0的主見, 得唔得呀, 諗下0野啦, 個腦個生草架。之但係仍然覺得, 算啦, 佢都係就你, 唔想你唔開心, 發脾氣0者, 都不失為一件好事, 仲係開心死。

之但係0的男人, 係咪真係要檢討下呢, 俾少少主見啦, 唔可以成日都咁架。
女人總係一個口不對心的人, 明明發哂難渣, 話你無主見, 點知轉頭又會同你講, 不如我地去邊去邊0羅。

唉....男人同女人都係犯賤架啦。