at17 sing sing sing 演唱會

我俾呢個演唱會的評語係：

精彩~~~

雖然山長水遠入到去機場睇演唱會, 但係值得, 因為氣氛好好, 音響俾紅館好好多, 場地不太大, 平飛企響到都好安全。
驚喜位好多, 先黎楊千嬅出場, 明明係at17演唱會架0麻, 但係一出就黎楊千嬅, 開心死我啦。再黎就係二汶著裾, 好驚嚇, 但唔太難看, 佢把聲好到不得了。再黎係, 唱左幾首歌後, 就大半場人起哂身睇。跟住間場, 係人山人海結他隊表演「金魚歌」, 最後係安哥那樹, 一支結他, 兩個女仔, 跟住萬人大合唱, 好feel。

今晚佢地的舞台設計, 燈光, 好靚, 佢無任何爆破, 煙花, 只係用左電腦動畫, 畫得好靚, 那盞水唱燈同真的一樣, 靚到暈。
今晚沒有華麗的舞台, 亦都沒有bon bon棒, 只有觀眾的尖叫聲, 掌聲, 帶起整個場館的氣氛, 到最後的幾part, 係全場企哂起身 (當然還有些死硬派人士, 堅持選擇最舒適的方法啦), 一起拍掌, 一起和唱, 好好feel。

繼陳奕迅get a life之後, 呢個係我第二個喜歡的演唱會。