公公入左院

尋晚公公入左院, 咁今日還樹一條友無0野做, 放工去左旺角度過左數小時的無聊時間, 跟住就一條友入去睇下阿公啦, 原本舅母, 舅父都會去的, 結果都係我一個人去, 去到仲要去買0野食俾阿公, 一條友在狂風中行去北區醫院。

去到醫院, 阿公都食完飯啦, 叉左電 (輪左血), 個人紅潤番, 但仲要吊水, 雙眼不太有神。問姑娘他的情況, 姑娘話佢好乖, 都肯食0野, 但係飲水好似唔得, 要搵醫生同佢check, 家下要落凝固粉落d液體到, 等佢容易吞食, 同埋要check埋點解佢會流失咁多血, 令到血色素咁低。

其實近呢幾個月, 阿公的身體都唔好, 以前做鼻煙癌的後違証開始出現, 其實入過幾次醫院都唔收症, 今次因為入院時, 見到佢個面咁白, 先俾佢留醫, 定期入去叉下電, 佢都好d的。

探完阿公, 天氣一片泛紅, 本來想撘小巴出番去火車站, 但見到無車, 唔知等幾耐, 結果決定再行番出去, 確實係九秒九咁行出去, 因為一入夜條路好靜的。

出番去join番肥仔在沙田行左陣, 正確黎講係買月餅送禮自奉, 今年都唔知點解咁顛, 好多月餅都賣哂, 痴線。