痛死人啦~~~

今日返工, 無咩唔妥, 但到左九點拎鐘開始, 個肚抽位咁痛, 真係好痛, 我痛到起哂雞皮, 打哂冷震, 但又要做野, 想死~~
全朝早係咁抱住個肚, 行都行唔到咁滯, 只好頂硬上。

去到十一點幾時, 發覺有少少肚餓, 開始食下野落去, 又好似好番d, 跟住成個晏晝都無咩事, 到左八點幾, 開始睇UNiTED 93時, 又開始痛, 係咁抽位, 咁睇咁戲, 無可以走架, 我頂。

去到十點幾睇完戲, 返歸, 成程車都係咁痛, 好痛, 好辛苦, 十一點啦, 邊有醫生睇, 阿哥又話市中心間24小時診所好流, 結果返到屋企留下轉的士去左屯門醫院睇急症。

睇得急症就預左等三個鐘, 結果等下等下, 飲左杯熱水, 個肚竟然一d都唔痛, 但還樹都係, 睇埋先。結果等到一點鐘就有得睇, 比我預期中快左添, 醫生話腸抽根喎, 咪又係俾d藥咁啦。

頂, 痛左我成日, 痛死人咩。