大廚獻技

今日上左舅父到食飯, 佢今晚做大廚, 原因係細舅父俾左盒蝦佢, 要搵人食 班齊人馬, 除左老豆, 連埋肥仔, ling ling, 一齊上左去0野。

但食飯前, 去左睇左阿公同阿婆先, 先去錦田放底湯俾阿婆, 再入上水俾湯阿公飲。今日佢精神好好多, 仲唔使吊水, 佢飲哂d湯呀, 仲食埋我地切好左的火龍果添, 應該住多幾日就可以出院啦。

跟住就返澤豐開餐啦。先喝羅宋湯, 好好飲的。跟住就先黎黃油蟹, 由elaine姐姐提供, 但人無到, 好好食, 好多膏。再黎蒜蓉包, 好好食, 點解用獲可以煎到隻包咁好食。跟住再上海鮮沙律, 其實係熟蝦 (我個無聊舅父搵d牙籤叉住d蝦黎煮, 等d蝦唔好卷埋), 加埋西芹, 青瓜, 紅蘿蔔用生菜包住黎食, 再加d 唔知咩醬料, d味好食咁漢堡包咁的。食完呢個就食紅香草汁燴羊扒, ok好食, 我都係鐘意食就咁用鹽煎羊鞍多d。食過番尋味, 再食蒜蓉包, 再加埋燒粟米, 好好食。再黎就係越南大頭蝦, 同埋炒粉絲啦, 由於粉絲吸哂蝦的精華, 所以好好好食, 反而d蝦麻麻好味。跟住再食埋生果沙律, 嘩正。最後係lingling整的椰汁糕同埋桂花糕, 我飽到食唔落, 我放棄左。今晚都有飲紅酒, 但係好少, 樽底2cm到啦, ok好味啦, 係咁那支1987年咁好架啦, 但係我拎住成支吹, 即刻型左。