兄弟姐妹團

今日係瑪姬的最後一日假期, 過去的一星期所發生的事, 大概已經全部忘記, 其實係因為忙到無時間去記。
左手拎住聽筒講話, 右邊就會出現同事想問0野, 跟住老闆那個"du do du" 又響, 跟住另外的support call 條線又會響, 再加埋門鐘響, 勁, 每日呢種情況總會發生至少一次。解決的方法就是 : 同聽筒內的人講等等, 跟住跑去聽老闆的"du do du", 在跑的過程中同個右邊同事講等等 (其實佢聽到"du do du", 已經曉讓路), 跟住聽老闆電話, 順手開埋門鐘, 最後係放棄左support call條電話線。無計啦, 係咁分架啦, 邊個大就做邊個先, 好在同事們見到我咁樣, 好多時都會唔走埋黎, 唔會叫我做其他0野, 因為跟本唔夠時間再幫佢地, routine0野已經夠多, 唔趕先好拎黎。等到今日, 終於可以放鬆d啦, 過去五日好辛苦, 廁所都唔得閒去。

今日放工, 自己一個人在銅鑼灣行左五個鐘頭, 我都唔明點解我可以行到五個鐘耐的。其實係目標自己等到七點同劉生同未來劉太, 兄弟姐妹食飯。兄弟姐妹團供十人, 無靚仔, 陰公, 個個都係讀書人樣, 除左個伴郎無咁似之外。第一次見面份外生保, 佢地班兄弟全部都係同學, 基本上已經識哂, 係到聚舊, 而女方呢邊, 基本上係唔識的, 除左淑敏同我係識的, 另外一個gloria在msn溝過下咁啦, 仲有阿寶儀係斯文大方類型, 唔識溝通, 不過我咁多口, 咩人都俾我撩到講0野架啦, 除左我唔想同佢講之外。

食完飯, 基本上真係食飯, 細節0野無傾過, 時間還早, 只係八點幾, 所以搵左間樓上咖啡室坐低繼續, 只不過, 其實都係班仔傾, 佢地係到計時間, 睇下全日的rundown, 我咁係同鄭小姐係到玩啦, 佢地傾完會講番俾我地知架啦, 玩到十點幾走人lu。我想整體都ok0既, 班仔都玩得的, 但我目標只有一個, 就係鄭生, 我要搵下佢有咩弱項可以玩先。