星期二, 2月 20, 2007

年初三赤口日

今日姑姐拉大隊入黎, 好在我醒, 叫阿媽約佢地黎幫手食糕同埋雪櫃的點心, 唔係都唔知食到幾時, 再加上唔使咁高起身飲茶呀0麻, 咁幾好呢, 呵呵~~~

今日妹妹無黎, 細佬黎左, 好攪笑呀佢, 開頭佢好怕生保, 後尾玩熟左, 好鬼過癮, 唔俾佢識得dump地扭計的, 又係咁跑入房撩哥哥玩, 勁攪野, 一教佢咩, 佢又即刻學到, 叻你到暈, 玩到成四點先走。

佢地走左我就去bbq啦, 一行七人, 根據往年經驗, 朱古力會開門的, 之但係今年竟然無開, 我地結果去左龍鼓灘燒烤樂園, 無計, 大部份地方都無開門, 今年確實好景, 唔使開門做生意, 燒過野食後, 跟住就去左置樂"波記甜品"食糖水啦, 今次食左個芒金撈, 都不錯呀, 起碼無上次食"夏雪"咁凍呀。


+我的表姨甥, 勁得意, 勁攪笑, 佢係咁拎住我隻miffy鍚鍚呀

沒有留言: