朝早起身, 個喉嚨勁乾及有d痛, 已經知道唔係咁妥啦, 返到工, 周身骨痛, 知道"啦野"啦, 知但係除左呢兩樣, 又無發燒又無其他野, 只係唔係好講到野, 好斯文咁啦, 同埋想明天拎病假多過今日, 所以挨左全日。
放工返屋企睇醫生, 我本來第一個到的, 點知遲過我黎的人都睇哂, 走啦, 我都仲未有得睇, 問下個護士, 原來佢唔見左我張醫療咭呀, 搵咁, 頂, 唔見左好大獲喎, 又地又plan左睇完拿拿林食飯, 沖涼訓架0麻, 點知等左大半個鐘啦, 又餓又凍, 真係發冷。再等左陣, 叫左入去睇醫生先, 入到去, 循例都同個醫生吹下水, 佢問我咩事睇醫生, 我話喉嚨痛, 周身痛, 仲有好凍, 佢話我咁押韻呀, 我答佢係呀等左好耐啦。
我到拎藥時, 個護士先搵得番張咭俾我, 俾佢嚇死, 張爛就咭值五十蚊架, 好似。
2月1日
今朝起身, 都係好唔妥, 又唔想返工, 加上今日係阿公上位的日子, 所以決定send 個message, 唔返工。
其實都無咩點訓多左, 因為要起身出去紅磡, 再去玄圓學院。我地好忙, 因為各仙人都擺哂係那樹, 咁我地在空檔的時, 去到要到各"閣"參拜一番。攪掂哂各項儀式後, 我地去左那樹食齋, 但係真係唔好食, 又貴, 最好食都係那碗粥啦。
攪掂之後, 去左瓜子大王到排隊買瓜子, 仲有半個月都咁多人排, 過多個禮拜咪好大獲? 買完野, 我同哥哥, 爸爸返屋企訓覺, 因為各人都唔係咁舒服, 訓醒, 就去舅母屋企打邊爐, 還樹都食咁藥啦, 唔理照食可也, 但係要用工筷。
2月9日
今日公司團年飯, 一如以後, 放四點半, 但係各人都諗唔到去邊樹, 所以在公司hea~~。去到咁上下, 佢地話不如食tea打個底先, 因為根據往年經驗, 係會八點幾成九點先食的, 同埋份量少, 食唔飽的。最唔開心就係今年未收到大信封, 因為三少放左假, 趕唔切見哂d經理, 所以無得派住。
去左公司對面巷仔食, 都幾好食, 不錯的選擇。食完返上樓, 行行企企等夠鐘。明明七點到會開門入得去坐的, 但係去到竟然都係未得的, 要等左陣, 但係開門那一刻, 個氣勢好勁。
今年司儀係陳芷菁, 嘉賓係羅敏莊, 只可以用兩個字形容, 把鬼。陳小姐口才雖好, 但是唔識攪氣氛, 羅小姐聲雖好, 但係揀錯衫, set錯頭, 攪到佢成個師奶咁。而今年整個制作, 由人事部的一位新經理負責, 新人士新作風, 諗住會好少少, 但係仲衰過舊年, 勁多悶場, 都唔知做咁乜。
獎咁係抽唔到啦, 只得一個人人有份的步伐計算器, 我們打超說, 不如放在pk的椅下邊, 睇佢一日un腳的次數有幾多啦。返歸後, 總係覺得肚餓, 結果行過七仔都忍唔住買左杯雪糕頂住下先。
2月10日
今日放工去左旺角買情人節禮物俾肥仔, 今年他的生日, 因為公公的事, 沒有跟他過生日, 已欠他一份生日禮物, 加上老細講過今年加人工同埋bonus都有得出, 所以情人節禮物要買大份d補番數。一條友行左幾個鐘頭, 終於買到啦, 搵到最平最抵那間, 嘻嘻。跟住就去行下自己想去的地方, 之但係都買唔到d乜, 人太多無心機揀。響沙田等肥仔放工, 在係starkbuck飲住杯ice chocolate, 打住機, 一樂也。肥仔到達, 就去ikea買我的心水玩具箱啦。我實在太多扭蛋啦, 以前那個箱載唔哂, 家下買個大d的, 連d毛公仔呀, 車仔呀都放埋入去, 整整齊齊咁。今日超勁倦, 行左好多個鐘頭街呀。
+很喜歡沙田的新年裝飾, 因為我很喜歡"囍"字
2月11日
辦年貨日。今日飲茶前, 去左萬寧行左轉, 買左好多好多野, 咁大個女都未試過可以在萬寧買七百幾蚊野的, 仲要全部都係糖果禮盒。基本上全部都是用來送禮的, 連金莎那個小姐都說, 你地都買幾多野架喎。其實有一大部份都是用來回鄉探親用的, 媽媽說過左年沒有得賣的了, 所以買定。
飲完茶, 就再去百佳掃貨, 買哂柴米油鹽醬, 買左成車野, 買到顛顛地咁。哥哥同爸爸負責車貣返屋企先, 我再同媽媽及舅母再去吉吉島及新墟辦其他年貨。好q地, 在新墟又見到肥仔喎, 呵呵。
返到屋企, 亦有人同我講話新墟見到我, 攪錯呀, 仲乜鬼今日見到咁多人架, 總知著靚d啦, 我今日成個師奶仔咁, 仲要拉住架手推車架, 師奶到暈, 但我有時又幾enjoy做師奶仔架喎, 呵呵。雖然好倦, 但計過數無時間執房, 所以決定食完飯開始執, 結果執左四個半鐘, 抺過哂成個書櫃, 攪到腰骨都呎埋, 但係乾淨哂, 好舒服。
2月14日
今日係情人節, 一如以往咁返工, 晨早九點, 鮮花到遠, 係查理的, 那一刻幾驚係我呀, 確實有點兒怕。之後有心的kelvin就黎派禮物啦, 佢今年買左麵粉花公仔俾我地zone的女仔, 佢怕我地無花收, 年年都會買d禮物俾我地的。
各同事行過都會望下我有冇花, 因為我在本部門, 係一個未嫁而被知道有男朋友的女孩子。
十時許, 鮮花又到, 呢札係我架啦, 唔知點解沒有了上一年的驚喜, 或者橋實在太貴了, 唔係太work, 收的一刻是開心的, 但是又想到幾百蚊, 不如俾左我, 或者買多件禮物俾我會更開心。明明說不要送的, 又唔聽, 年年同一樣, 無意思的了。
因為我個位好揚, 結果我再一次做左動物園裏的動物, 俾人裝下裝下。放工, 返屯門吃飯, 左手拎住一個好重的袋, 右手拎住好重的花, 但係落到街, 竟然見到條傻佬係到等咁我, 呢個驚喜開心過收到花呀。結果將花花俾左佢, 哈哈, 等佢體會下, 拎住好重的花花由灣仔返屯門的痛苦。
是晚吃左美心皇宮, 野ok好食啦, 價錢仲哈哈哈哈, 好似食咁團年飯咁0羅, 呵。食完飯, 去左行街街, 有人話要換戰衣, 但係拎住束花確實好辛苦的。
其實今日最最最開心的係收到大信封的一刻, 本來9號有的, 但係三少的霸度, 麻煩, 攪到全世界無得派。吹左咁多日, 終於收到風話今日派, 之但係朝早都話未印好票, 但係晏d又話有啦, 但係仲對咁0野喎, 同事問過對咁乜, 點知阿出糧嬸嬸話有d印得唔靚喎, 佢話有d印到貼住條紅線要印過喎, 頂, 見到個銀碼咪得lor, 使鬼印得咁靚咩, 收到都唔會欣賞張票有幾靚架啦, 乜都唔睇只看銀碼, 黎手入埋銀行啦, 睇乜鬼。結果由九點等到五點, 我老細不停係到問, 有電話未呀, 佢咁係心急啦, 佢心情咁好, 舊豬肉實係好大。五時許, 終於有電話, 收到啦, 我的第十四個月糧, 加人工都加得不錯, 應該係全部門最高的了。根據我老細的慣例, 人工高加得少, 人工低加多d架, 我老細成日都話, 加埋俾我, 我都係貧民區人士, 係架我係貧民區人士黎架, 加多d啦, good~~~。入票時, 好攪笑, 入左票, 照常理會嘔番張receipt出黎架0麻, 點知無喎, 我走去check數, 又未見到, 跟住我走番轉頭望下後邊個男仔係咪都係咁, 原來佢都係呀, 跟住我同佢推斷, 部機應該係無紙, 呢d咪大銀行lor, 嚇死人咩。
+花比人靚, 因為我面上邊有"瘡瘡鐵三角"
2月15日 (年廿八)
今晚媽媽整蘿蔔糕, 無閒煮飯, 落街食。從未在一間茶餐廳可以食到個幾兩個鐘頭飯, 原因係太多人啦, 整唔切, 黎完一樣, 等幾個字先再黎, 結果我越食越肚餓, 因為有足夠時間俾我去消化左食物。
席間, 決定了返鄉下的日數, 共去五日, 三日半在鄉下, 一日半返落廣州。過左新年, 就等三月尾的假期了。
2月16日 (年廿九)
今日同瑪姬係到計, 原來好快又到月尾出糧, 27號又出糧啦, 加埋利是錢, 發達lor, 之但係三月就要等到29號先有糧出, 無所謂啦, 我放假, 放完假有錢使。
是晚團年, 在尖咀等埋舅母, 就回家了。肥仔同ling ling為坐上客, 我發覺他們在人家的屋企, 多過在佢自己的屋企, 好攪笑, 尤其是ling ling, 我表弟唔到, 佢都會出現, 我想佢已經當左我地是屋企人了, 真攪笑。
吃過飯後, 就舉家一行八人到花墟買年花, 年年節目如是, 今年多左兩個幫手拎。行程先到姑姐屋企放下蘿蔔糕先, 見到妹妹, 大個左高左, 越來越靚女, 無咁怕醜, 之但係個樣好蠱惑。今年買左好多花花, 各人手中都有一束, 我, 咁係拎最細啦, 返到屋企都點幾啦, 是晚四點幾先訓。
2月17日 (年三十)
今日訓到成點, 起身去飲茶, 飲完茶就去維園行花市啦。一改以往作風, 早d行, 希望無咁多人。但結果都係咁多人, 只係唔需要在外邊排兩個鐘頭隊, 同埋唔需要進行潮水式咁行, 人也很多, 但比起夜晚行, 可以看得多一點, 但因為天氣實在太熱, 著住短打都行到成身汗。是日戰利品為, 小熊維尼魚蝦蟹及假年桔木棵。
行過大運後, 就去繼續幫肥仔買戰衣啦, 終於都買到啦, 而我都買左件衞衣。行完街, 搵野食, 是晚多人都會團年, 食壽司最為無人, 唔使等位就有得吃, 我們食過團年飯後, 就回返屯門睇戲啦。
返到巴倫紐, 人極多, 但即慶買飛也是屯門人的習慣, 所以返到去九點半仲可以買到十一點半的飛。行返去吉吉島行左個圈, 睇下有咩禮物買俾妹妹同細佬。我地今晚睇的係翻生侏羅館, 好好笑, 新春戲, 值得一看。
+我地運桔呀~~~
沒有留言:
發佈留言