今早起身, 連早餐都無得食, 因為爸爸同我講, 樓下乜差都無開, 叫我食自己。好在唔夠訓, 咁早食唔落野。但上到車先發覺唔記得帶MP3, 攪到係架車到0羅0羅攣, 訓唔著, 灰到爆。
返到公司, 響樓下麥當當買左個火腿扒漢堡作為我的開工早餐, 之但食完個包, 我竟然倒瀉橙汁呀, 激死, 又要抹餐死。但今朝返工太早, 其實我已經好hea咁返工, 之但係路路暢通, 好鬼早返到去, 攪到我拎唔到公司在lift口派的新年禮物。但後來kelvin落街拎左個上黎, 今年係一個金蛋, 可以種到野出黎的。
九點半, 好奇怪地, 今年無人做先頭步隊整條龍出黎逗利是, 而我就不斷慫恿同事們去馬。過多十分鐘, 聽到聲啦, 同文叔拿拿林跟入戰團, 否則過左, 好難逗番架啦, 戰績都唔錯, 仲有幾個同事未返工, 未有得逗, 但佢地點會走得甩呀, 呵呵呵。
遊下遊下地, 終於等到放工, 放工去左旺角新世紀美心同埋姑姐, 表哥, 表姐, 表姐夫, 同埋表姐夫爸爸連埋阿b一行十人食飯, 阿b真係好得意, 好攪笑, 佢真係唔係好怕生保, 還專揀陌生人玩添, 佢好多小動作的, 自己會搵d野黎玩, 坐唔定, 唔知點解, 仲識得捉住你隻手, 捉住你隻手指, 用佢隻小手指, 拮你個手字頭, 仲要好大力, 好痛架。佢媽媽話佢好攪笑架, 佢試過俾手指夾親, 喊完, 會放番隻手指去試下點解會夾到的, 撞親個頭, 又會試下用個頭去研究下, 點解會撞到的, 好得意呀佢。
+ 哼..你睇我幾型
沒有留言:
發佈留言