一如往年, 訓醒吃糕, 等舅父母黎, 今年泉舅父不在港過年, 少咁個, 但係ling ling就跟住我地四出拜年。其實地方只係兩個, 一個老人院, 一個我屋企。
先去錦田, 我去到乙水阿婆好鬼開心, 舅母說, 我地未黎時, 佢扁扁咀的, 之但係經過我一輪大叫大壤後, 攪到佢笑得好開心, 舅父仲叫找唔好咁大聲嚇親佢添, 點知阿婆咁先開心, 哈哈哈。今日阿婆精神勁好, 又精靈, 阿公唔係到後, 佢好似精神好多, 笑多左。
去完錦田, 返我屋企等食, 是晚藍地季季紅開餐, 乳豬真係好好食, 其他野食都好好。吃過飯後, 去左吉吉島買野, 吉吉島無人, 勁好行, 買左玩具俾妹妹同細佬, 哥哥仲左玩具俾我同埋ling ling添, 之後返歸開睹局。
我套小熊維尼魚蝦蟹勁受歡迎, 開頭哥哥做莊, 佢嬴哂, 跟住到玲玲做莊, 開頭打個和的, 後尾嬴, 但又開始輸啦, 無錢陪, 過左莊俾我, 點知我大旺, 殺殺殺, 連肥仔後尾加入的, 都俾我嬴哂d錢。跟住佢地打牌, 肥仔幫我輸番d俾佢地, 之但係我都係嬴左幾十蚊, 發左個新年財啦。
但係總覺得, 以前的新年係有氣氛d架, 以前到時時候, 會有人叫財神到, 0個時會問阿媽開唔開門架, 爸爸會叫開, 媽媽話唔開的, 好攪笑架, 哈哈。仲有可以逗埋人地隔離鄰舍d親戚0既利是添, 又成日會企係個門口到望下人地黎拜年的人, 又成日聽到好大聲的"恭喜發財", 勁有氣氛的。而家下, 只會聽到麻雀聲, 同埋電視d沉悶節目。之不過今年都好左d啦, 市道所謂好左, 舖頭都勁關哂門, 似番d以前的狀況, 人人都開心左咁, 所以笑多左。
+我的新玩具 --- 紅外線搖控車仔
沒有留言:
發佈留言