門徒

今日去年生仔的同事們帶了bb返來公司拜年, 總共有三個, B1, B2同埋B3, 全部都係仔, 哈哈。

一個十四個月大, 但係佢唔似大哥哥, 勁怕醜, 勁怕生保, 死都要跟住爸爸, 抱開一陣都唔得, 極唔似巨老豆。但係好攪笑, 佢一見到利是係會搶的, 俾利是佢, 佢會為你報上一個微笑的, 佢老豆係到派咁利是, 行過撩下佢, 佢搶左佢成手利是, 佢老豆話佢, 佢最鐘意錢同埋食。

一個十一個月大, 對眼大到跌落黎咁滯, 一個明星相的BB, 但都怕生保, 但係後尾玩熟後, 刐開始識行的佢, 跌跌踫踫咁去同人"呢埋"。

一個七個月大, 個頭好大的BB, 今日剛睇完佢的露點相, 已經好想揻佢, 佢太多肉啦, 忍唔住的, 呢個最唔怕生保, 又係乜人都玩的, 仲玩到係咁跳, 好開心, 跟住佢好鐘意我個pooh pooh cousin, 係咁摸阿pooh, 係咁笑, 又攬住佢, 佢媽媽話佢好頭意用額頭去頂番人地個額頭, 我試過真係得架, 只要將個頭放佢近d, 佢會自己伸埋黎額頭撞額頭架啦, 好攪笑架。

放工約左肥仔阿爸阿媽去稻香飲茶, 確實地我覺得二宜樓好d, d野食好味d, 又無咁嘈, 又無咁迫。

飲完茶, 就行左陣, 跟住睇門徒啦, 之前睇預告片時, 已經好想睇, 終於睇到啦, 之但係個結論係, 好恐怖呀, 有d位真係睇到好寒, 勁核突。吸毒確實好可怕, 張靜初最後那一幕, 真係勁恐怖, 恐怖過睇恐怖片, 因為你知那一套時恐怖而有心理準備, 而呢套戲無預過會有一幕那麼核突的戲的, 真係好驚。

今晚數左一數, 家下手上已經有48封利是了, 今年勁呀~~