今日無啦啦俾老闆捉左入房講左好多人生哲理。
事緣老闆只係捉入去講今年加幾多人工同埋有幾多bonus, 講講下, 佢開始講人生哲理啦。佢叫我地唔好成日唔開心, 唔開心影響自己的情緒, 跟住就會對user態度唔好。盡量令到自己開心, 諗得開心d, 野係要做, 但係要做得開心, 公司俾唔到乜野你地, 佢可以做到的已經做左, 有乜好路數時, 我地走, 佢唔會怨我地咁話。最咁要「活在當下」咁喎。
佢有時講野, 確實不曾沒有道理的, 呢個我明白, 所以我覺得「及時行樂」好重要, 仲有「珍惜眼前人」, 人與人之間的緣份好得意的, 唔係我地可以控制的, 所以先要珍惜。
我明白呢個道理, 但瑪姬唔會明白呢, 她永遠都是悲觀主義者, 成日都「怨」老闆加人工加得少, bonus分得唔夠多, 又話mic叔叔, pk manager唔使做又分到大舊, 人家都話係chief officer, manager啦,就叫你細個唔讀多d書咩, 無得比, 人地唔使做, 都話哂係專業人士, 公司的遊戲規則如此, 有何怨呢, 她永遠都不懂知足, 就算俾哂佢佢都會話唔足夠架啦, 老闆已經說俾我地已經比其他同事多, 只不過我地人工低, 無得比的。
她說她不會相信老闆所說的話, 我心想, 我相, 我相信老闆對我地做左野, 對我地會有交待, 其他同事都會有, 同樣地可能某些人都會得到很大份, 因為他們已經是高層人士, 我明白公司的遊戲規則, 而她做左十幾年都在怨, 又何苦呢, 年年都係咁怨, 我同文叔都覺得, 過左9/2, 分到錢後, 仲怨得勁, 唉, 何苦呢?
沒有留言:
發佈留言