2007年的第一天, 亦是媽媽的生日, 今日不會有任何特別慶祝的日子, 那天食泰菜己是慶祝的活動。應承左佢買個斜揹袋俾佢做生日禮物, 等佢可以揹住返鄉下, 唔好再拎手拎袋, 好易俾人搶的, 又唔方便, 但佢未揀到, 等佢揀到先買。
其實一早起身, 已經收到電話, 說公公入左院, 計過都應該係時候入院啦, 因為呢幾個星期佢地入去探佢, 佢已經一日比一日差, 連自己沖涼都做唔到, 又唔係好食到野, 只不過奇怪點解咁耐都唔入院0者, 原來係醫院一路都唔收, 其實試過去過幾次lu。
由於醫院要五點半先可以去探, 所以我, 哥哥, 媽媽先去飲茶, 跟住買埋?返屋企, 整好哂等老豆煮飯。今日煲左腐竹雞蛋糖水, 媽媽很滿意今天佢自己生日可以食到0既野, 因為佢可以食一隻蛋, 佢有膽固醇, 平時唔可以食成隻蛋的, 今日生日先破例一次。
五點半, 到達醫院, 由於是新收症病房及呢期有上水屠場的存染病發生, 而呢間房又係新收症的, 所以各人都要在門口登記, 但我地唔記得帶口罩, 駁一駁啦。但很不幸地, 唔入得去, 因為同房有其他院友在搶救中, 問一問門口阿姐, 並不是公公的那張床號, 心安定下來, 返出去等。等左一陣入得去之後, 入到去見到公公已經要聞氣, 平時入院差電時, 並不需要聞氣的, 面色也不太好, 氣亦很喘, 但我地夠鐘走人, 媽媽要返工, 見公公很辛苦, 好想不拾我們離去咁。
回顧舊年計下的願望, 四個之中我都做到三個, 係第四個未有機會做到。
1. fight到升職加薪, 而唔係留守加辛。
2. 去旅行, 雖然未諗到去邊。
3. 去澳門, 我應承左你去澳門, 但我點都諗唔到幾時去。
4. 建立我的王國。
而今年的願望如下：
1. 加薪, 多多dddddd
2. 回鄉探親之旅順行舉行
3. 十周年旅行攪得成
4. 希望同到老豆老媽子飛去旅行
5. 儲多d錢
還有, 最最最重要的是「願各身邊親朋戚友身體健康」
沒有留言:
發佈留言