生日快樂

偷得浮生半日閒, 今日請埋半日假, 訓醒已經十二點幾, 爽~~~

訓醒, 吃過好味大大粒雲吞麵, 就同媽媽去左碼頭行左轉跟手買餸。返歸等肥仔放工去睇戲, 今晚選擇左睇「生日快樂」。

我好鐘意呢套戲的poster, 有種特別的感覺, 見到張poster就覺得呢套野我鐘意睇的。節奏比我預期中快, 我心目中會覺得好似心動咁慢的, 中段劉若英為佢婆婆喪禮彈奏的那一個場景, 確實感動。整個節奏其實有點先沉悶, 而且橋段老土, 正所謂橋唔怕舊, 最咁要受, 而得出最後的結局。那個結局係我想不到的, 當見到那個結局, 先諗返之前好多場戲, 其實是有意思的。整套戲的主旨是「珍惜」, 兩者相愛, 只是害怕失去, 所以作不能在一起, 只能永遠珍惜對方的這一份情。

以前曾經想過, 如果有一天我得到重病, 沒有太多的日子了, 我會怎樣。以前的我, 我會選擇第一時間同男朋友講分手, 只有屋企人知道我的病, 因為我不想「他」傷心。現在, 我會選擇公告天下, 我需要各方人士的支持, 我需要有人陪伴來渡過餘生, 歡歡喜喜的, 令各人習慣我將會離大家遠去, 使傷感程度減低, 珍惜相處的時, 在回憶中多一點兒的懷念。

媽媽在這幾天同我們說, 我們上了一堂實用課程, 這個月發生的事情, 所做的事情, 終身都會受用。而這個月確實上左一課寶貴的課程, 因為公公的走, 各人更珍惜相處的時間, 感情拉近左好多。