永別了, 公公~~

今早五時半起來, 因為要趕及七時時達紅磡飲早茶, 順便買早餐俾公公食。吃過早餐後, 便準時到達殯儀館。大聲叫過公公早晨, 裝過香後, 又開工, 摺埋d公元寶。昨天由於迪迪燒野燒得太興奮的關係, 乜都俾佢燒哂, 尋晚要返精舍加碼, 所以今日還有剩, 要繼續燒及摺, 最攪笑係個堂倌問我舅父, 那個是你個仔呀, 佢燒野燒得好興奮喎, 因為舅父叮囑了迪迪唔可以俾個爐熄的, 所以佢係咁一大堆咁放入去燒, 後期仲去到好有策略咁。

九時許, 賓客開始陸陸續續地到達, 等待十時的大殮儀式, 等待期間, 各人係咁放蚊, 而且說說笑笑, 跟那個堂倌傾計, 他都說做呢單生意做得舒服, 因為我們不麻煩, 有d各d姨媽姑姐麻麻煩煩的, ling ling 曾跟我們說, 如果堂倌見有些主人家麻麻煩煩的話, 堂倌會跟他們說, 要長跪的, 唔可以起身的, 直至走時才可以起身。是次的喪禮, 都得到各親朋戚友的讚嘆, 老一輩的都問, 是否識人辦喪事, 大家都睇得出所有野都做得很足, 我們總算對得起公公了。

十時正, 終於感覺得有點兒嚴肅的氣氛, 因為轉左去一個很大的堂做儀式, 跟著堂倌的指引去做, 當我們見公公最後面及大聲叫喊公公安心上路時, 媽媽跟哥哥終於按奈不住哭了, 我也鼻子一酸, 眼淚留在眼框內, 我不想哭, 因為怕公公不捨我們離去。一切儀式辦妥後, 就上車送公公上山了。舅父千叮萬囑我們不可以睡覺, 但後尾泉舅父說我知, 佢兩個因為架靈車好凍, 差d訓著。

到達火化場, 再做一點先的儀式, 舅父就按制送公公上路了, 之但係, 發覺個制按不到, 大家都心想, 一切切都順順利利的, 唔係家下先黎有事0麻, 好在得到工作人員的指引, 公公上路了, 永遠也只會留在我們的心中。我時常都覺得, 他沒有離去的, 只是我們將會要轉換另一個方法去探佢, 去想他, 懷念他。

一切都過得很快, 吃過英雄宴後, 就回家了, 我們的習俗係要在太陽下山前回家, 回家後, 沖過涼洗過頭, 我同哥哥就倒頭便睡, 直到晚飯時。

是晚在藍地的季季紅吃晚飯, 晚飯時, ling ling跟我們說, 出殯時的那個喃嘸師傅是她的九師伯, 佢好鬼似少林足球的四師弟時, 肥頭得意, 年紀很後生的, 不到三十, 但係佢好頓, 好豬的, 時常俾佢老豆蝦的。最攪笑係她說, 他每一次佢做破地獄時, 都會滑倒的, 係百法百中的, 我說好彩公公無這場法事, 否則我一定第一個大笑, 到時真係唔知點算。

一切一切都完結了, 各人都放下心頭大石, 公公永別了, 我們會懷念你的。