911

六年前的今天, 發生了令全世界震驚的911事件。
六年後的今天, 也發生了一件會否影響未來數年生活的事情。

今天是居屋攪珠的日子, 嘻嘻~~
但係我的揀樓次序是50xx, 今期全港只有三千幾個單位發售, 而我這個死硬派屯門人, 即只有二百幾個單位可選擇, 機會眇盳, 這一刻的心情很難形容。有點兒開心, 也有點兒失望。開心係因為那一刻即時想到沒有機會, 不如飛一轉泰國 (真係敗家)。失望係因為咁要等多兩年先再想買樓。但又或者真係會有很多很多人放棄了機會, 而排到我加上有幸會有靚單位, 但這個機會確實與中六合彩頭獎無異。

兩年話長唔長, 話短唔短, 我唯有再努力儲錢, 一嘗業主的感覺。但這兩年內, 我想做自由人的機會會多些, 北海道, 東京, 美國確是我杯茶, 你們等著我來吧。

心中其實無名咁起了一個念頭, 就是與家人買一棟村屋, 地下由父母居住, 我與哥哥是但一個住二樓或三樓, 地下花園用作給媽媽種花用, 天台用作曬晾用。閒時又可與各親朋燒烤耍樂, 又可以在家打通宵機唔使俾人趕, 返屋企有飯食, 又有私人空間, 又可以照顧到佢兩老, 空氣又清新, 最重要係電錶用哥哥名, 咁我咪唔使交電費lor。我最多供番自己那層, 再買架"錢七"代步用, 哈哈。呢個idea確實無聊, 但係真係幾好架喎, 但就要靠哥哥努力搵多d錢做首期先得, 哈哈。