嘉麟樓

今日終於拎到半島的嘉麟樓月餅啦, 食左好多年, 今年終於自已買到黎食, 好唔好食, 真的因人而異, 我就鐘意食, 因為佢無傳統月餅咁"漏", 一啖一個, 唔錯唔錯。

今日一放工就約左哥哥拎月餅, 因為七盒, 好重, 一個人拎好吃力, 在麻布茶坊食完late lunch, 就同ling ling行過去拎月餅先, 咁大個女第一次入半島, 入到去, d人真係痴的, 那個lobby cafe shop, 坐滿人, 另外仲有三十人在排隊等high tea, 真誇張, 夠竟要排幾耐先有得食呢, 仲有佢響角樓有隊live band在演奏的, 但隊live band好慘, 佢地的位置好細, 個大提琴條友要倚住個鋼琴坐。

拎完月餅, 先送ling ling返元朗, 跟住再入錦田老人院拎婆婆身份証, 再入大埔醫院探婆婆, 嘩新界東西一日遊, 坐住係架車到, 摳哂, 大埔醫院真係遠到嘔呀。婆婆精神不太好, 可能剛轉院的關係掛, 一路食一路嘔, 要幫佢清理。

跟住就返屋企食飯同埋打機啦。