奇妙之旅

本來已打定輸數, 今年都無得去迪迪尼的了, 但突然肥仔打電話來說, 他這個星期有例假可放, 所以可在他開始他的地獄式非人生涯前, 去一趟, 作為今年記念日的活動。而我, 本想取年假的, 但經過早兩日的怨憤, 再加上我老細的"弱"行為, 我決定取病假, 慳番我d年假。

一早起來, 先出荃灣, 吃過大快活好食早餐後, 吃飽飽後就開始我們的奇妙之旅。但今天加插左一個行程, 就係要去荃灣俾左個電話哥哥先, 有人唔記得帶電話, 佢駕左佢公司落左地四日的van仔出黎, 架車確實幾靚仔。

之後就去撘地鐵lu, 上到迪士尼線, 就覺得自己開始踏入迪士尼的旅程, 今日天氣幾好, 太陽伯伯不太努力工作, 只透出淡淡的陽光, 天氣又不太熱, 而上車後, 就覺得人不太多, 因為好少人撘車, 嘻嘻。十一點到達後, 慢慢行, 一路行一路影相。由於早一日已在中旅買了套票, 所以可以直入樂園了。現在樂園可以帶水進場, 實在太好了。

入到樂園, 自由行人士未到, 反而見到很多日本妹, 而我又無目的咁去玩, 所以先去看看史迪仔的時間表, 那個姐姐同我講, 今日廣東話場次比較多, 十二點九開始, 每十五分鐘一場, 嘻嘻, 即係今天的自遊行無咁多啦, yeah。之後就去玩巴斯光年啦, 結果連續玩左三次, 次次都係level 3, 鳴~~。

玩完無野好做, 又未夠鐘睇史迪仔, 咪走左去排馳車天地, 排左一陣隊就有得玩啦, 架車勁chop, 或者係我無渣實個胎盤啦, 因為我係咁dum, 又一路影相喎, 哈, 後尾渣番住, 好d, 但我直頭停左架車係到影相lor, 哈哈。又未夠鐘睇史迪仔, 又玩埋太空飛船, 又無乜人排隊。玩完見到高飛在UFO地帶玩水喎, 咪跑過去排隊影相啦, 嘻嘻。夠鐘就去睇史迪仔啦, 都幾攪笑, 雖然明知佢係有個人係後邊講野, 但係佢真係配合到d動作, 好勁。

之後就過去搵小熊維尼啦, 開始多人啦, 好多人排隊, 所以先拎左個FAST PASS先, 跟住無無聊聊咁, 又見到MICKEY係到喎, 咪去左那個花園到, 逐個排隊影相啦, 同左mickey, minnie, 阿pooh, 大鼻與哨牙同埋貓貓影相啦。跟住又未夠鐘玩, 就去左玩旋轉木馬啦, 我好鐘意玩旋轉木馬架, 唔知點解。跟住夠鐘返去小熊維尼到玩啦, 我仲擺左個好靚的post影相添。跟住再去睇埋4D的那套劇場, 仍然係會伸隻手出去想拎D野返黎。玩完就慢慢由城堡行返出去搵地方預備睇巡遊啦, 但係搵咁之時, 見到史迪仔同胡迪喎, 咪跑過去lor, 點知姐姐話佢地要返入去預備巡遊呀, 勁失望。

跟住搵個位坐一陣, 等三點半巡遊, 因為無乜人的關係, 所以係點企都得, 我咁係企左個頭位啦, 我想玩水, 我預左濕哂的, 因為呢個係水花巡遊來的, 結果我當然真係玩到濕哂啦, 都幾好玩, 哈哈。睇完巡遊, 就去食野lu, 因為買左套票的關係, 只係俾多左廿五蚊, 就可以在四間餐廳到選擇一款食物加一款飲品, 結果我地換左$115的食物, 但係我只係俾左五十蚊, 變相咪即係半價lor, 好抵。

食飽飽, 四點幾, 其實開始無目的咁遊, 咁就去左坐下船, 探下泰山啦, 嘩隻船的效果好似勁左好多咁, 泰山間屋, 都幾靚0既, 可以望遠景, 行完, 阻到獅子王其中的一隻公仔, 無人影相, 咪走埋去影下LOR。跟住就去左睇最後一場的獅子王啦, 都OK呀, 個女人唱得好勁。睇完就開始行返出去大街, 諗住行下街, 等睇煙火, 但又俾我見到MICKEY & MINNIE喎, 同埋見到阿迪喎, 我搵左佢成日架啦, 點知先見到佢, 佢係KODAK做架, 佢咪渣機派飛叫你去買的的人LOR。見時間還早, 咪排隊影相, 點知呢個項目係全日排得最耐的項目, 排左成半個鐘, MICKEY & MINNIE都換左三個, 迪無俾飛仔我呀, 我見佢換左咭, 唔知個衰仔會唔會偷番兩張相出黎俾我呢。

影完相, 就行舖頭啦, 咁係搵哂人地D公仔影相啦, 而我又諗極都諗唔到買咩俾自己啦, 結果一蚊我都無使過, 即係我無係迪迪尼使過一蚊, 勁。行完, 就去搵位睇煙火啦, 今次我揀左坐在城堡前, 我坐在第三行的地上, 清楚看到城堡上的投射, D激光仲好似包住你咁, 煙火又靚, YEAH。

睇完煙花, 奇妙旅程就結束啦, 好開心有人帶我去迪迪尼啦, 多謝你。