拜神團

自從迪迪交了一個家中開精舍的女朋友後, 再加上公公去世後, 拜神團應運而生。

ling ling家辦理的精舍總店是在梅窩的, 只要由碼頭沿住南山古道的標誌, 再望住前邊那座山, 直行, 往山走, 進入桃源洞, 走到鹿地塘村, 就會到達精舍所在地了。整個路程需時半個小時。

所以今早一早起身, 撘十一點的大船入梅窩, 可惜天公不作美, 撘船時, 已經見到好大片黑雲在離島的上空, 到達後, 各人就冒住雨, 沿路行入村, 其實即係行上山。其實是有車係可以入去的, 但因為私家路, 會麻煩點, 所以決定行, 沿路都是平地來的, 只是落雨吧了。

沿路風光如畫, 這次次是第二次來了, 上次是半騎單車入村的, 因為經過田的路, 太窄, 唔識點踏, 所以半騎半推車咁入去, 但今次行反而輕鬆了, 因為唔使推單車。經過半個小時的路程, 就到達桃源洞的check point啦, 洮源洞其實是一間道堂來的, 由一個八十多歲的婆婆打理, 隔壁還有一間黃大仙廟。

為何說是check point, 因為這裏還不是終點站, 只是停下來, 吹吹水, 抖抖喝點水吧了。跟住再行五分鐘的山路, 就會到達ling ling的家了, 一路上你會有一種柳暗花明又一村的感覺。那樹只有她家的一棟樓, 地下一個單位, 三樓全層連天台, 樓下是住宿的, 有八個床位, 三樓一單位連天台都是祭壇, 我們放下行裝後, 聽到她們還在做法事, 我們便坐坐等著, 之後等待法事完後, 就到天台拜祭公公同埋袓仙啦, 其實只是七月節, 幫仙人做點兒法事罷了。拜祭過後, 就在天台與ling ling 的大伯吹水一番, 在天台往外看, 青蔥一片, 空氣清新, 絕對沒有任何污染, 只係我地在污染佢, 唔好睇呢樹咁偏僻, 樓下的單位都係鬼佬住的, 仲有飛機師添, 佢地鐘意住入黎喎。其實精舍都係一年幾個節日先會有人入黎做法事, 所以超靜的, 除左有貓貓看屋之外。

之後落番去桃源洞食齋, d齋好食, 沒有一般街外的味精, 沒有油膩, 家常小菜般一樣, 只是沒有肉罷了, 青紅蘿蔔湯很甜, 粥很棉, 飯很香, 而這餐是唔使錢的, 因為精舍俾左錢叫主持煮的。食過飯後, 就去左七仙廟那樹, 那供奉了七姐, 八仙, 十二奶娘, 財神, 仲有姻緣石添。我地的頭號目標咁係財神啦, 之後咁係交保護費俾土地公公, 佢地就拜埋七姐, 八仙, 因為要過大海呀麻, 哈哈, 其實整個過程最受惠的就係蚊, 因為我們被圍剿, 我涂了很多蚊膏也避不過, 可能太耐無嫩口到達啦, 那樹全部都是老姑婆, 有間姑婆屋架。

之後我地就返ling ling家拎番行裝走啦, 佢屋企周圍都種滿左不同的植物的, 結果我地咁係又食又拎啦, 拎左d樹上熟木瓜, 青檸, 同埋新鮮龍脷葉, 全部都係新新鮮收割的, 哈哈。跟住又要趕四點的大船走啦, 無落雨, 沿路風光更美好, 仲有好多怕醜草玩添, 好耐無見過啦, 一路行一路玩。跟住買雪糕上船食, 再大覺訓。後閒咁樣郊遊下都唔錯呀, 好靈靜, 好舒服。

返屋企沖涼後, 就去左元朗食泰菜啦, 但係開始失色了, 因為開始多人幫襯, 同埋佢開始擴張, 我想應該要開始另覓食店了。