有契姐自遠方來

契姐今年又由美國回來, 今次沒有空吃晚飯, 改為中午飲茶見面, 要搵間星期六有得BOOK位的酒樓唔容易, 想在旺角, 就佢地方便, 但旺角實在太旺啦, 無得BOOK位, 結果選左尖沙咀鴻星, 有得BOOK位, 坐得舒服, 還有海景伴著午膳。本來想搵D再貴D的酒樓, 還樹又唔使我俾錢, 但泊車難, 又發覺全部都係美心旗下的酒樓 (我對美心的酒樓有偏見的), 所以都係選呢間。

佢地十二點幾到達, 而我就要放工先跑去, 到達都點半啦, 嘻嘻, 一坐下, 契姐夫就話認得我啦, 無乜點變, 又係咁0既樣。第一個話題就係撩我過去佢那裏的迪士尼玩LOR, 成日都話包食宿, 叫我地過去玩, 我說今次我準備好簽證啦, 我隨時行得啦。其實唔使包宿, 包食都好呀, 佢係酒店大廚來的, 只識整西餐, 唔識整中餐的, 但佢實會帶我地去食好味野。

契姐係一個斯斯文文的人, 契姐夫是一個非常風趣的人, 佢真係幾攪笑的, 佢兩個我想大概五十歲吧, 連我媽都唔記得。他們今次回來的目的是取回身份證, 他們的身份證是非常舊版的身份證, 由於換領智能身份證的期限已過, 只有契姐可以換回, 因為佢有香港出世紙, 而契姐夫沒有, 所以他是新移民, 我們打趣笑說, 現在要由契姐申請你來香港了, 你可以申請拎綜援了。