中環半日遊

今日收到測乙型肝炎的結果lu, 係陰性, 即係無事。

放工落左中環, 因為今日約左人在那裏相討事項。一條友, 無無聊聊咁沿住LV直行兜左個圈, 等埋肥仔黎搵野食, 結果行下行下搵到間蘭坊園, 好似出名的喎, 咁食啦, 食左個心多多撈丁, 都OK好食, 其實食材好簡單, 但屋企又唔會去整LOR, 但隻雞翼又幾香, 哈哈。

跟住去左H&M買牛仔褲, 我終於買到牛仔褲啦, 本來想買LEVIS的, 但實在太貴啦, 當我想買時, 那個八折又無埋, 著得舒服又靚的要成六七百蚊條, 值嗎? 但見到H&M的都OK, 又只係二百幾蚊, 咪試下LOR, 但試左又OK喎, 款OK, 又舒服, 最咁要舒服, 牌子都唔重要。

之後就去左相討事宜了, 但失望而回, 唯有再等待吧。諗唔到去邊, 近近地過左海去尖咀, 再撘村巴返屋企啦, 返屋企樓下茶餐廳食晚飯, 估唔到都好食喎, 我未食過呢間的晚飯的, 肥仔個鐵板唔錯, 我個焗飯都ok呀。