尋日同事門已經請我飲左茶啦, 今天仲有生日蛋糕添, 係芒果脆脆蛋糕, 足三磅。
放左工, 仆返屯門看醫生, 因為始終覺得個喉嚨都係刮刮地, 所以去看外科。醫生話呢到無儀器, 最好明天再去尖沙咀專科中心再詳細咁CHECK, 要照喉鏡, 佢話最好有屋企人陪, 因為會幫你打支訓覺針的, 十二點後又唔可以食野飲水。
拿拿聲等埋肥仔去小曼谷食飯啦, 泰國菜我鐘意呀, 哈哈, 但鬼死咁多人, 好在唔使等好耐0者。跟住又拿拿林返屋企看電視啦, 我想睇小儀, 同埋要在十二點前飲多D水先, 無水飲好唔習慣。
今年平淡的生日, 但出年的今天將會有好多好多人同我慶祝生日啦, 雖然基本上全部都唔識的, 但一定會FULL TEAM, 我諗得掛, 呵呵~~~
沒有留言:
發佈留言