中左六合彩呀~~

話說星期六同契姐飲完茶, 返到屯門哥哥話去工廠區買六合彩啦, 咁媽媽俾左廿蚊我買電腦飛, 而我自己又買左一張, 咁我將那兩個是但咁放左係個袋到算。

由於溫書溫到天昏地暗, 無乜理會過開彩事宜。今朝起身, 媽媽問起, 先記得係喎, 唔記得對, 我同媽媽都在東方頭版搵唔到開彩結果, 咁算啦, 拎去酒樓, 有份蘋果對。去到叫老豆對六合彩啦, 佢專家來的0麻, 佢一看就話收大錢, 我第一個反應係, 下三獎呀 (唔知點解唔講頭獎呢), 跟住佢話唔係呀, 係三百二十蚊咋, 車~~~媽媽即刻叫老豆今晚去二宜樓買雞買燒腩仔加餸啦, 食埋佢算。

跟住我仲係到tick點心, 點知佢又拎份報紙對下, 唔係喎, 四獎喎, 有四千八蚊喎, 全部人都唔信, 哥哥再對一次, 真係有錢收喎, 呵呵~~中左四獎, 因同媽媽無分番邊個係邊張, 所以話對分算, 哈哈。後來決定將d錢全部唱哂人民幣, 助長國內經濟, 復活節深圳一日遊時, 叫哂全部人上去食餐勁的, 一次食唔哂, 第日再食過。

正所謂國家好, 香港好, 香港好, 大家好0麻~~哈哈

飲完茶去收錢, 哥哥叫我自己去試下收錢的感覺喎, 我真係未係馬會收過錢的, 好緊張, 差d唔記得叫姐姐買多兩張金多寶電腦飛, 哈哈~~

+埋到counter先記得, 唔記得同張飛影張相, 臨急臨忙影, 質素超差, 但隱約還看到中的號碼