護肝講座

今日公司攪左個護肝講座, 有得做免費乙型肝炎快速測試, 如果大吉利是驗到呈陽性反應, 仲會有coupon免費再去中大那個研究中心到驗, 公司好少有咁荀0既活動, 所以立即參加, 因為呢d test在街外, 閒閒地要幾百蚊check一次。同埋班同事成日話我對手黃呀0麻, 咁咪所以順便證實下。

12點半去到4/F, 第一次去呢層樓, 裝完修後, 變左有間theatre係到, 去到第一時間去左做登記, 跟手就去拮手指啦。其實我好怕打針的, 我真係會好驚的, 我問那個人, 痛唔痛架, 佢話好似蚊咬咁啦, 我話蚊咬好痛架喎, 佢話咁你遇到惡毒的蚊了。拮0個下, 確實有點兒痛, 但係最痛都唔係呢下, 係那條友手勢唔好, 必極都必唔出血, 佢推左成兩三次都係得好少血, 我話我冷血的0麻, 後來有另外一個人來幫手, 應該係比較senior的, 佢一推, 我d血就彭彭聲咁出黎啦, 結果抽左半支幼管, 好痛。但我同事仲慘, 抽完之後, 一陣, 有個人走黎話, 佢d凝得快, 測唔到, 要再抽, 佢再拮埋另外一隻手, 佢話右手仲痛過左手的。

由於我係早場驗的關係, 所以有三文治同埋飲品供應, 我本以為是53/F廚房整的, 但望下唔係喎, 竟然係Delifrance 來的喎, 所以好好味, 但唔夠lor, 晏晝又要食tea。

食完點半鐘就要去聽講座啦, 本以為會好悶, 但個醫生又好生鬼喎, 所以都無訓著。有個人問佢肝脂肪係咪無得醫架, 醫生係答 : 我無講過無得醫, 只係無藥醫0者, 要自己調理飲食同埋做運動去等佢自己好番。哈哈, 那一刻真係好笑。