年初一

其實年初一最無野做的, 咪又係交換禮物同埋行行企企lor, 先係各人來我家, 再去錦田婆婆到, 跟住拎盤菜, 再去舅母屋企食, 個盤菜都唔錯, 係好似有d料未夠入味, 但都好濃好好味。

明明六點鐘開始食, 六點二十五分就已經食剩蘿蔔, 個個都話飽啦, 七點幾, 媽媽走左, ling ling到啦, 唔知點解突然間, 佢地又會載飯出黎食過, 哈哈, 又話飽, 好攪笑, 長途賽咁食, 食到九點, 嘆左陣茶, 就出發去UA看戲啦。

第一次去屯門UA看戲, 個戲院確實麻麻, D位唔夠斜, 個位就舒服0既, 唔頂腳, 但都係凱都好D。套戲開頭都有D悶, 因為佢將個故仔用2D再畫一次, 交待左好耐。跟住去到現代, 就開始好看了, 原來連童話故事可以改變的, 公主會變得拜金, 王子原來ON 居架, 哈哈。