年初三赤口日

今日姑姐, 晨早十二點, 我連轉身都未轉, 就已經上到黎啦, 其實先聽到電話響, 以為佢話幾點會到啦, 咁媽媽又未我起身, 點知原來係已經到左紅緣燈位啦, 連媽媽都未換衫, 我聽到聲時, 媽媽先換完衫, 趕唔切叫我地起身啦, 咪自己彈起刷牙洗臉換衫lor, 頂, 明明話食晚飯架0麻, 使鬼咁早入黎咩, 佢地話入黎行街喎, 咁唔使咁早去我屋企架, 晏d唔得咩。阿哥仲慘, 佢六點先訓, 哈哈, 又係未轉身。

老豆係咁煎糕迫佢地食, 好呀, 食咁d, 我唔使食咁多。佢地走左後, 我就打機, 哥哥訓覺, 跟住又入錦田拎盤菜, 今晚大盤, 極重。拎完去左市中心搵舅母, 跟住就返屋企啦。個盤好大呀, 我去左一個鐘, 返到屋企先剛滾咋, 今晚個盤好過初一晚的, 但油左d, 但係入味過初一的, d飛滋同牙肉無咁腫, 今左好多, 好好食。

食飽過後, 佢地吹完水, 就走啦, 而我咪坐係到睇汪明荃lor, 哈哈, 唔使初四開工, 一連放四日的假期真爽。