到今天情人節了, 概成事實, 那就在office等候, 到十一時半, 兩位送花的女仕到達, 一束是查理的, 一束是我的, 為何會一起到來呢, 我想佢地儲埋一起被人迫左去撘貨lift, 因為其他部們的都一起到達。雖然口中說不想收, 錢來的, 但到概成事實這時, 又會期待著夠竟今年會係咩呢, 結果就係一束太陽花, 有新鮮感, 與以往不同。
同事們每年都會看著我會否有花收, 因為部門內十位lady, 未嫁而有男友的只有我同查理, 所以目標明確, 全班佬都看著我們, 而我坐的位置極度開揚, 行過必看到。他們說你今晚真係無約呀, 我話係呀, 無呀, 佢要溫書麻, 他們覺得很奇怪, 其實情人節只係商業節日來吧, 並沒有什麼大不了。
放工後, 拿著花束, 一個人走過杜老誌道, 駱克道, 軒尼詩道, 到達962巴士站, 幸好很快有車, 上車後, 等候你的來電, 口中時常都問著你有否跟第二個女孩子去街, 哈哈, 你怕我胡思亂想, 你總說咁我返屯門啦, 結果你伴在電話旁直到我到達黃金海岸, 回家後一切如常, 開飯睇電視訓覺。
在這半年內, 跟自己說不可防礙你溫書, 沒有你陪伴的日子, 感到不空閒, 所以我自己培養自己很多的活動, 買了一套金庸著作看, 追台劇, 努力打wii, nds等等, 所以時常閒在家裡, 都並不感到悶。其實你一有時間你已經來陪我了, 但是半年, 噢邊有人個個月都要考試架, 灰。最大得益著莫過於我哥及我媽了, 多左個人在家中跳來跳去, 嘈亂巴閉, 令到家無寧日, 但係佢地又無咁悶喎, 得閒俾我d白白痴痴野笑餐死, 但又狠不得一野踢我出門口喎, 哈哈。
Anyway, Happy Valentine's Day, I love U~~
沒有留言:
發佈留言