開OT

在這間公司, 直到今天, 已經工作了三年零八個月, 無錯, 在這個冷酷無情的月份下, 我竟然要開OT。

呢份工, 最遲都係試過七點先走, 已經係最盡了, 基本上, 呢到七點半前, 大部份的人已經走哂架啦, 但今天我竟然要留在這裏開OT直至九點, 最遲十一點。理由係, 出MEMO, 無計, HR MANAGER打到電話落黎留人, 無得唔留, 全公司只有三個人有RIGHT隊呢個MEMO出街俾全世界, 而我是其中一個, 一個要湊仔, 一個病到死, 而我孤人, 實係我啦, 費安娜媽媽就返歸邊湊仔邊做BACKUP。

大家見到我因為要呢個原因OT, 都說低能, 恥笑公司的做法, 一個MEMO, 九點出, 誰看, 目的只是想給手持黑莓的人看到吧了, 小職員咪大係第二朝先見到, 無聊到極點。一路都八唔到, 夠竟係乜咁無聊。好在今晚有人陪我罰留堂, 因為米高叔都俾CO SEC留左係到。

其實呢個OT都自由的, 因為可以出去食飯, 最緊要係九點前返到去坐定定, 同埋電話不離身, 等CALL, 隨時候命。結果同阿叔兩條友去左駱克道一間食墨西哥菜的酒吧食DINNER, 原因係佢有張SUPER MONDAY CARD, BUY 2 main course get 1 free的優惠, 咁咪去試下lor, 其實我地都唔知食乜架, 入到先知, 都唔知叫乜好, 其實個個main course都百幾二百蚊, 同埋好多肉好似好heavy咁, 本來想試墨西哥卷+扒, 後尾那個waitress走埋黎介紹左另一個set俾我地, 就係串燒, 那個串燒得兩串, 但係好大串, 手臂咁張一串, 我地叫左baby chicken + seafood, 雞有四件, 海鮮有魚, 蝦, 帶子, 加埋d青椒, 紅椒, 洋蔥咁燒, 再加埋佢個酸汁, 幾好食, 佢另外有一碟飯+黑豆+切碎蕃茄俾你送肉的, 個黑豆加埋蕃茄又幾好食喎, 我唔食黑豆同蕃茄的, 但我都食哂。

八點半到, 突然間收到HR MANAGER的電話說, 不用出了, 你們走吧, 那一刻我還在酒吧內, 呵呵, 好野走得, 唔使留, 跟住阿叔請食飯, 呢個必定要做的, 因為老闆下命令要佢請我食飯, 哈哈, 唔使做又呃左佢餐飯, 好野, 有SO啦佢, 咁難得有美女陪佢食飯, 跟住就返公司拎番D野走人啦。