BONUS

一年一度派票日子又到啦, 人地星期六收到, 我今日收到, 本來應該全世界係ANNUAL DINNER那天收的, 又係三少LOR, 死去澳洲睇波都唔簽名, 返黎香港又唔簽, 結果今日先到手, 好在個CHEQUE係今天的, 唔係星期六的。

收到錢, 沒有太有的驚喜, 加人工就唔錯, 加左8%, 而BONUS, 咪比人多左$475 LOR, 聽瑪姬講, 老闆話係佢那份到割出黎俾我地的, 頂, 加埋都唔夠一千蚊, 佢食餐日本野都唔只呢個數啦, 割到佢忽肉好痛咁, 頂。其實見公司賺咁多, 個個都希望佢出到個半月的BONUS的, 但係都係出唔到, 唉。

收完票, 拿拿聲入票, 見到銀行擠提咁, 超勁多人, 連入票機都咁多人, 痴線。收左錢, 咪又係左手黎右手去, 俾哂阿爸阿媽, 錢呀, 點解總會離我而去。