是日提早收爐, 早上做了一個上午, 跟著便等放工, 等到四點半, 終於可以閃人返屋企食飯。
今日最入那隻智慧牙再入的牙肉腫起哂, 連合埋口都有問題, 因為上邊d牙會咬到那舊肥腫牙肉, 仲有口腔上端偏左, 形成左飛滋群, 我見到的都起碼有四粒以上, 痛苦到嘔, 今次連平時用開的潄口水都攪我唔掂, 要食必利痛頂住。
返到屋企食飯, 有汁的又"拿"到d飛滋痛, 硬的要咬的, 又用唔到左邊咬, 用右邊咬又及到舊腫牙肉。結果平時我用三四個字食完的一餐飯, 結果我用左成粒鐘黎食, 慢慢咬d菜, 用水撈飯食, 好辛苦, 但唔食唔得, 只可以話今個新年唔會食滯, 因為食得慢, 消化好。
食完飯, 睇埋套劇, 就同肥仔去左市中心行, 一心買牛牛褲的我, 太貴, 唔值, 又多人, 所以都係留番遲d買。所以結果去左最少人的超級市場買糖果盒的糖, 買禮盒送禮, 最重要的是買玩具俾我兩個表侄仔女。我買左THOMAS火車頭俾文仔, 買左副煎PANCAKE的小熊維尼煮飯仔俾阿妹妹, 好靚架, 原價$319, 特價$69.9, 好抵。
返到屋企都十二點啦, 諗住食糖水啦, 賣到無剩, 只剩下銷不去的糖水, 結果返屋企叮燒賣食, 跟住打機打到三點, 哈哈~~
沒有留言:
發佈留言