年初五開工日

初五開工, 報紙話, 開工時間最好為, 早上九點至十一點, 同埋下午一點至三點。

早上九點, 其實八點幾已經返到去, 因為實在太無人返工啦, 路路暢通。返去咁係唔使野啦, 睇蛇果等逗利是, 條龍結果九點半出現, 即CALL埋隔離房的, 跟龍走。熱熱鬧鬧, 逗完利是, 繼續上網, 直到食飯。食飯前, K仔先上左黎拜年, 佢仍然好有心咁, 日行一善, 怕我地無花收, 買左D花俾我地, 今年係細細朵的玫瑰, 手制的, 仲有幾條會發光的條條插左係到。

勁多人食飯, 明明四圍BOOK左房的, 佢都可以夾硬間左兩枱細枱出黎俾人, 而出邊都坐到背對背, 好少見到呢間野坐到咁的。食到兩點, 個經理走入黎問下, 好唔好食呀咁啦, 跟住話使唔使睇直播呀, 阿嬌直播呀, 哈, 立即去櫃住拎個遙控黎轉台, 我地諗住教大聲D啦, 點知按錯制, 我老細好緊張咁去整, 哈哈, 原來佢最想睇。

睇完直播, 又繼續返去HEA到返工啦, 超眼訓, 勁辛苦。