今年出奇地算準時開始, 七點半, 司儀已經出場, 唔怪得六點已經係咁叫人收麻雀枱, 關閉娛樂區啦。今年大會司儀除左朱凱婷外, 仲有一個男司儀係某部門的經理來的。今年坐得離開枱很遠, 差四五張已經到門口拉, 而今年又係延開二百幾圍, d地盤佬又係在係出邊對住維港景食, 其實仲好過坐裏邊。
今年枱上邊d禮物好唔掂, 每人一個的, 係memo pad, 最值錢的就係印左北京2008馬術的logo, 印呢d logo都要申請的, 今年的入場卷, 遊戲卷, 所有都有呢個logo, 如果入場卷多左都要俾番佢, 要count數, 所以價值連城架。而枱獎, 被我地笑的係那個executive folder入那本簿, 竟然係以前用黎寫信的單行簿, 藍色面那種呢, 核突到爆。而另一個枱獎就係旗下商場禮卷$100, 叫做最好架啦。而抽尾數獎d獎品都ok架, 有同事們抽到wireless mouse, 電磁爐, 直立式蒸氣熨斗, 西田禮卷等等, 其實好多的, 有幾百份, 但我有四張飛都抽唔中呢, 灰爆。
食物, 又係唔好食啦, 真係唔好食的, 條魚又腥又涷, 唉, 年年都係咁。今年間場沒有請外來人表演, 反而攪左個比賽, 係有四隊唔同部門人士競逐的, 當然又係subsidy啦, 次次都係咁架啦, 但有隊就係china trainee lor, 跳勁舞, woo boom ba, 所以全場氣氛高漲左, 因為今年又有d哨子, bon bon棒等等, 而今年表演嘉賓係廖碧兒, 真係ok,全場氣氛再次高漲起來, 佢個樣真係幾甜美, 但唔係咁識攪氣氛lor, 佢只係唱左三首歌就走啦。
到左大抽獎的時候, 一如往年, 都係d地盤佬中哂啦, 而幸運地我地都有位同事抽到部相機, 都話新入職通常都好好運架啦, 做多幾年就咩都唔會中架啦。今年好早, 十點幾散場, 但係會展最唔掂的地方係, 咁多人, 只係開兩條電梯俾人走lor, 低能, 塞死哂, 離開個門口都要成兩三個字, 先落到電梯, 仲要行好遠先出到會展。
+好食的麵, 好食過那圍飯
+娛樂區盛況 (呢到只係影到一半)
+三個麻甩佬大戰當中
+玩無聊遊戲所砌的獎杯
沒有留言:
發佈留言